साताको तेस्रो दिन आज मंगलबार नेप्से सूचक दोहोरो अंकले बढेको छ । आज नेप्से सूचक ३४.६८ अंकले बढेर २७९३.८९ को बिन्दुमा पुगेको हो । यो नै नेप्से सूचकको हालसम्मको उच्च बिन्दु हो ।
आज ११ अर्ब ३५ करोड ९३ लाख ६० हजार ९२ रूपैयाँ बराबरको कारोबार भएको छ । आज कारोबारमा आएका २१५ कम्पनीको २ करोड ३१ लाख ३१ हजार ६ सय १५ कित्ता शेयर खरिद बिक्रिबाट यो रकम बराबरको कारोबार भएको हो । आजको कारोबार रकम पनि हालसम्म कै धेरै हो ।
आज समता घरेलु लघुवित्तम, विशाल बजार कम्पनी, राधि हाइड्रो लगायत ३४ कम्पनीको सेयर मूल्यमा सकारात्मक सर्किट लागेको छ । आज उत्पादन तथा प्रशोधन समुह बाहेक सबैको समुहगत सुचक बढेको छ । सबै भन्दा बढि होटेल र पर्यटन समुह ६.१५ प्रतिशतले बढेको छ ।
आज नेपाल पूनर्बिमा कम्पनीको सबैभन्दा धेरै ६७ करोड ९२ लाख र राष्ट्रिय जीवन बीमा कम्पनीको ३१ करोड ५६ लाख रुपैयाँ बराबरको सेयर कारोबार भएको छ । आज सर्बाधिक गुमाउनेको सुचीमा टेलिकम रहेको छ । आज टेलिकमको शेयर मूल्य १.०७ प्रतिशतले घटेको छ ।
