शिखर इन्स्योरेन्स Shikhar Insurance Company ले संस्थापक र साधारण शेयर संरचना अनुपात ५१:४९ कायम गरेको छ । कम्पनीले १५ लाख ८२ हजार ६ सय ७१ कित्ता संस्थापक शेयर सर्वसाधारणमा परिणत गरेपछि संस्थापक र साधारण शेयर संरचना अनुपात ५१:४९ कायम भएको छ ।
यस अघि कम्पनीमा संस्थापक शेयरको हिस्सा ६० प्रतिशत रहेकोमा त्यसलाई घटाएर ५१ प्रतिशत कायम गरिएको हो।
हकप्रद निष्काशन तयारी
कम्पनीले हकप्रद निष्काशनको अनुमति माग गर्दै नेपाल धितोपत्र बोर्डमा आवेदन दिएको छ । कम्पनीले जेठ २५ गते बोर्डमा आवेदन दिएको हो । कम्पनीले १०:३ को अनुपातमा ३० प्रतिशत हकप्रद निष्काशनको लागि अनुमति माग गरेको हो । बोर्डबाट अनुमति पाएपछि कम्पनीले ५२ करोड ७५ लाख ५७ हजार २ सय रुपैयाँ बराबरको ५२ लाख ७५ हजार ५ सय ७२ कित्ता हकप्रद शेयर निष्काशन गर्ने छ । कम्पनीले हकप्रद शेयर निष्काशन गर्नका लागि एनआईबिएल एस क्यापिटललाई धितोपत्र निष्काशन तथा बिक्री प्रबन्धक नियुक्त गरेको छ ।