जीवन विकास लघुवित्तले असार ११ गतेदेखि
आईपिओ निष्काशन गर्दै छ । कम्पनीले १ सय मूल्य अंकित दरका १९ करोड ७७ लाख ३० हजार
१९ लाख ७७ हजार ३ सय कित्ता शेयर निष्काशन गर्न लागेको हो ।
जस मध्ये ३० हजार ४ सय २० कित्ता
कम्पनीका कर्मचारीलाई र ९८ हजार ८ सय ३५ कित्ता सामुहिक लगनी कोषलाई छुट्याईएको छ
। बाँकि रहेको १८ लाख ४८ हजार १५ कित्ताको
लागि सर्वसाधारणले आवेदन दिन सक्ने छन् । आवेदन दिंदा न्युनतम १० कित्ता र अधिकतम
१०० कित्ताको लागि दिन सकिने छ । आईपिओमा असार १५ गतेसम्म आवेदन दिन सकिने छ । मेरो शेयर र
अनलाइन र सीआश्वा सदस्य रहेका बैंक तथा वित्तीय संस्था मार्फत आवेदन दिन सकिने छ
।
कम्पनी परिचय
जीवन विकास लघुवित्त वित्तीय संस्था
लिमिटेड २०६९÷०४÷२६ गते कम्पनी रजिष्ट्रारको कार्यालयमा
पब्लिक लिमिटेड कम्पनीको रूपमा दर्ता भएको हो । यस कम्पनीले मिति २०७५÷११÷०३ गते “घ” वर्गको वित्तीय संस्थाको
रूपमा राष्ट्रियस्तर कार्यक्षेत्र रहने गरी वित्तीय कारोवार गर्न नेपाल राष्ट्र
बैंकबाट ईजाजतपत्र प्राप्त गरी मिति २०७५÷११÷१६
गतेदेखि औपचारिक रुपले वित्तीय कारोवार शुभारम्भ भएको हो । यस वित्तीय संस्था र
सल्भ लघुवित्त वित्तीय संस्था लिमिटेड, धनकुटा तथा गरिबी न्युनिकरण लघुवित्त वित्तीय संस्था लिमिटेड,
राजविराज बीचमा मर्जर कार्य सम्पन्न भई
मिति २०७७÷०५÷२२ गतेदेखि एकीकृत कारोबार प्रारम्भ
भएको छ । विगतमा उपरोक्त तिनवटै संस्थाहरुले गैर सरकारी संस्थाको रुपमा लघुवित्त
सम्बन्धी कार्य गर्दै आईरहेको र पछि नेपाल राष्ट्र बैंकबाट “घ” वर्गको लघुवित्त
वित्तीय संस्थाको रुपमा ईजाजतप्राप्त गरी कार्य गर्दै आएको हो । हाल यस कम्पनीको १९ जिल्लामा रहेका १३८
वटा शाखा मार्फत सेवा प्रदान गरिरहेको छ ।
कम्पनीको रजिष्टर्ड (केन्द्रीय)
कार्यालय प्रदेश १, मोरङ्ग
जिल्ला, कटहरी गाउँपालिका,
वडा नं. २ मा रहेको छ । कम्पनीको कारोबार गर्ने स्थान
नेपालभर रहेको छ ।
पूँजी संरचना
कम्पनीको अधिकृत पूँजी एक अर्ब रहेको छ
भने जारी पुंजी साठ्ठी करोड चौरासी लाख रहेको छ । कम्पनीको हाल चुक्ता पूँजी
एकचालीस करोड छ लाख सतरी हजार रहेको छ । सर्वसाधारणलाई आईपिओ निष्काशन गरे पश्चात्
कम्पनीको चुक्ता पूँजी साठ्ठी
करोड चौरासी लाख हुनेछ । आईपिओ निष्काशन पश्चात कम्पनीमा संस्थापक र सर्वसाधारणको शेयर अनुपात
६७.५० र ३२.५० रहने छ ।
कम्पनीको आधारभूत शेयरधनीहरुमा योगेन्द्र मण्डल, संजय
कुमार मण्डल, श्यामचन्द्र खतिवडा, अजय कुमार मण्डल, भरत
लाल बहरदार, , शान्ती कुमारी मण्डल, रोहित भण्डारी, जीवन विकास समाज,
प्रभु
क्यापिटल लिमिटेड, एस.आर.हाईड्रो एण्ड ईन्भेष्टमेन्ट
प्रा.लि, ई. ईन्द्र नारायण देव, सामुदायिक महिला विकास केन्द, सल्भ
नेपाल, र एन.आई.सी.एसिया बैंक रहेका छन् ।
कम्पनीको संचालकहरुमा बिक्रम राज सुवेदी, श्याम चन्द्र
खतिवडा, प्रकाश कुमार श्रेष्ठ, ईन्द्र नारायण देव, र सोनिला
शाक्य रहेका छन् ।
दैनिक कार्य सञ्चालनमा कार्यकारी प्रमुखको हैसियतले प्रत्यक्ष रुपमा
संलग्न प्रबन्ध संचालकले मासिक ७० हजार पारिश्रमिक पाउने र स्वदेश तथा विदेशको भ्रमण
खर्च टिकट बमोजिमको वास्तविक खर्च भएको रकमको आधारमा भुक्तानी दिईने ब्यबस्था
कम्पनीले गरेको छ । सञ्चालक समितिको बैठकमा उपस्थित भए
बापत अध्यक्ष र अन्य संचालकले पाउने प्रति बैठक दुई
हजार भत्ता पाउने ब्यबस्था छ ।
संस्थाको कामको सिलसिलामा सञ्चालकलाई दैनिक तथा भ्रमण भत्ता प्रदान गरिने
र यस्तो
स्वदेशमा दैनिक एक हजार, भारतमा दैनिक एक हजार, भारत बाहेकका अन्य
विदेशी मुलुकमा दैनिक ९० अ अमेरिकि र भ्रमण भत्ता विल बमोजिम हुने उल्लेख छ
।
उच्च ब्यबस्थापन विवरण
कम्पनीको प्रमुख कार्यकारी अधिकृत
संजय कुमार मण्डल रहेका छन् भने नायव प्रमुख कार्यकारी अधिकृतमा दामोदर रेग्मी
रहेका छन् । रेग्मी
कम्पनीका कम्पनी सचिव पनि हुन् ।
त्यस्तै विजय कुमार मण्डल कम्पनीको
बरिष्ट प्रबन्धक रहेका छन् । कम्पनीमा कुल ८१८ जना कर्मचारी रहेका छन् । जस मध्ये ७६५ जना स्थायी. १९ जना परीक्षणकाल÷प्रशिक्षाथी तथा ३४ जना करार ज्यालादारी कर्मचारी रहेका छन् ।
कम्पनीका सीइओ मण्डलले आर्थिक वर्ष
७६/७७ मा ४२ लाख ८५ हजार पारिश्रमिक लिएका छन् भने सहायक सीइओ रेग्मीले सोहि अवधिमा
१८ लाख १२ हजार पारिश्रमिक लिएका छन् । त्यस्तै बरिष्ठ प्रबन्धक विजय कुमार मण्डलले सोहि अवधिमा १५ लाख ५९
हजार पारिश्रमिक लिएका छन् ।
बीमा विवरण
कम्पनीले वित्तीय
संस्थाको कर्जा उपभोग गरेको सदस्य वा श्रीमानको
मृत्यू भई हुनसक्ने जोखिमको बीमा अमेरिकन लाईफ ईन्स्योरेन्स
कम्पनी लिमिटेड
(मेटलाईफ)मा गरेको छ भने संस्थाको कर्जा उपभोग गरेको सदस्य वा श्रीमानको
मृत्यू भई हुन सक्ने जोखिमको बीमा रिलायबल नेपाल लाईफ ईन्स्योरेन्समा
गरेको छ। यो
बीमाको रकम क्रमश १३ अर्ब ७२ करोडको र ६ अर्ब ५६ करोडको रहेको छ । त्यस्तै सवारी साधन तथा त्यसबाट हुन सक्ने जोखिमको बीमा
लुम्बिनी जनरल इन्स्योरेन्स र एनएलजी इन्स्योरेन्समा
गरिएको छ । दैवी प्रकोपबाट
हुन सक्ने जोखिमको बीमा हिमालयन जनरल इन्स्योरेन्स लि
र नगद लुटपाट, चोरी तथा आगलानीबाट हुन
सक्ने जोखिमको बीमा अजोड इन्स्योरेन्समा गरिएको छ ।
आईपिओबाट उठेको रकमको उपयोग
यस आईपिओ निष्काशनबाट १९ करोड ७७ लाख
३० हजार रकम उठ्ने र त्यस मध्ये ११ लाख भौतिक पुर्वाधार तथा शाखा विस्तारमा, १९ करोड ४० लाख ३० हजार कृषि, पशुपालन, खुद्रा व्यापार तथा सेवा व्यवसाय कर्जामा, र २६ लाख रकम वाणिज्य बैंक
लगायत अन्य वित्तीय संस्थाहरुमा राखिने कम्पनीएल उल्लेख गरेको छ ।
निष्काशन तथा बिक्रि प्रबन्धक
साधारण शेयरको निष्काशन तथा बिक्री
प्रबन्धक सम्बन्धी कार्य गर्नका लागि एनएमबि क्यापिटल लिमिटेड, नागपोखरी,
काठमाडौंलाई नियुक्त गरिएको
र उक्त सेवा प्रदान गरे बापत एनएमबि क्यापिटल लिमिटेडलाई एकमुष्ठ एक लाख सेवा
शुल्कको रुपमा दिइने कम्पनीले उल्लेख गरेको छ ।
कुनै कारणवश आईपीओ पूर्ण रुपमा बिक्री नभएमा कुमारी क्यापिटल
लिमिटेड, काठमाण्डौंले निष्काशन रकमको शत्प्रतिशत खरीद गर्ने प्रत्याभूति
सम्झौता गरेको छ । प्रत्याभुति सेवा प्रदान गरे बापत ९९ हजार कमिशनको रुपमा दिइने
कम्पनीले जनाएको छ ।
वित्तीय विवरण (खुद नाफा)
कम्पनीको आर्थिक वर्ष ७४/७५, ७५/७६ र ७६/७७ मा कम्पनीको खुद नाफा क्रमश ४० हजार (ऋणात्मक), २१ करोड ४१ लाख र ३५ करोड ४२ लाख रहेको थियो । चालु आर्थिक वर्ष ७७/७८ को चैत्र मसान्तसम्ममा कम्पनीको खुद नाफा ५६ करोड ३९ लाख रहेको छ । कम्पनीले आ.व. ७७/७८, ७८/७९ र ७९/८० मा खुद नाफा ५३ करोड २ लाख, ७३ करोड ८४ लाख, ९३ करोड ४० लाख खुद नाफा हुने प्रक्षेपण गरेको छ ।
कम्पनीको आर्थिक वर्ष ७४/७५, ७५/७६ र ७६/७७ को वास्तविक प्रति शेयर नेटवर्थ
क्रमश ९९.८६ रुपैयाँ,
३५८.७२ रुपैयाँ र ३०५ रुपैयाँ २७ पैसा रहेको थियो । कम्पनीले आर्थिक वर्ष ७७/७८, ७८/७९, र ७९/८० मा प्रति शेयर नेटवर्थ
क्रमश २९९.५५ रुपैयाँ, ४१८.४६, रुपैयाँ र ५६९ रुपैयाँ ५१ पैसा रहने
प्रक्षेपण गरेको छ ।
कम्पनीको आर्थिक वर्ष ७४/७५, ७५/७६ र ७६/७७ को वास्तविक प्रति शेयर
आम्दानी क्रमश ९९.८६ रुपैयाँ (ऋणात्मक), १५२.९४ रुपैयाँ र १०४.९७ रुपैयाँ रहेको थियो । कम्पनीले आर्थिक वर्ष ७७/७८, ७८/७९, र
७९/८० मा प्रति शेयर नेटवर्थ क्रमश ८७.१६ रुपैयाँ, १२१.३७ रुपैयाँ र १५३.५२ रुपैयाँ रहने
प्रक्षेपण गरेको छ ।
कम्पनीले उल्लेख गरेका वास्तविक तथा पक्षेपित प्रति शेयर आम्दानी र
प्रति शेयर नेटवर्थको विवरण हालै आईपिओ निष्काशन गरेर शेयर मूल्य ५ हजार भन्दा बढी
पुगेर अत्याधिक चर्चा कमाएको महिला लघुवित्तको भन्दा बढी हो।
संस्थाको प्रक्षेपित वित्तीय विवरणहरुको पुनरावलोकन गरी ए.बन्सल एण्ड एसोसिएट्सका चार्टर्ड एकाउटेण्ट अश्वानी बन्सलले प्रमाणित गरेका छन् ।
रेटिङ विवरण
निष्काशन गर्न लागिएको साधारण शेयरको लागि “क्रेडिट रेटिङ्ग नियमावली, २०६८” को नियम ३ मा भएको व्यवस्था बमोजिम नेपाल धितोपत्र बोर्डबाट अनुमति प्राप्त क्रेडिट रेटिङ्ग संस्था इक्रा रेटिङ्ग नेपालबाट क्रेडिट रेटिङ्ग गराई मिति २०७७ फागुन १७ गते [ICRANP -IR] BBB) प्रमाणपत्र प्राप्त गरेको छ । यसलाई ट्रिपल बि माइनसको रेटिंग भनिन्छ । जसले कम्पनीको दायित्व बहन गर्ने क्षमतामा मध्यम जोखिम भन्ने जनाउंदछ । सो ग्रेडिङ्ग को बैद्यता अवधि एक वर्ष रहने छ । रेटिङ्ग संकेतपछाडी रहनें ( +जोड) वा – (घटाउ) चिन्हले सम्बन्धित रेटिङ्ग वर्ग भित्रको तुलनात्मक स्थितिलाई जनाउँदछ ।
नोट: यो रिभ्यु कम्पनीले उपलब्ध गराएको विवरणपत्रको आधारमा तयार पारिएको हो ।