साताको तेस्रो कारोबार दिन आज मंगलबार नेप्से सूचक उच्च अंकले घटेको छ । आज नेप्से सूचक ४७.४९ अंकले घटेर २८२८.०० को बिन्दुमा पुगेको हो ।
आज ६ अर्ब ७२ करोड ६३ लाख ६१ हजार ८ सय ६९ रूपैयाँ बराबरको कारोबार भएको छ । आज कारोबारमा आएका २२३ कम्पनीको १ करोड ४० लाख ४४ हजार ३ सय ८१ कित्ता शेयर खरिद विक्रिबाट यो रकम बराबरको कारोबार भएको हो ।
आज माइक्रोफाइनान्स बाहेक सबैको समूहको समूहगत सूचक घटेको छ । माइक्रोफाइनान्स समूहको भने ०.५१ प्रतिशतले बढेको छ भने फाइनान्स समूहको सर्वाधिक बढी ४.११ प्रतिशतले घटेको छ । त्यस्तै, विकास बैंक समूहको ३.९५ प्रतिशतले घटेको छ ।
आज राधी विद्युत कम्पनीको सर्वाधिक बढि ४९ करोड ८३ लाख रुपैयाँ बराबरको सेयर कारोबार भएको छ भने नेशनल हाइड्रोपावर कम्पनीकोे ३६ करोड ७८ लाख रुपैयाँ बराबरको सेयर कारोबार भएको छ ।
आज ३५ कम्पनीको सेयर मूल्य बढेको छ भने १४६ कम्पनीको सेयर मूल्य घटेको छ । आज प्रोग्रोसिभ फाइनान्स लिमिटेडका लगानीकर्ताले सर्वाधिक बढी गुमाएका छन् ।