एनआईसी एशिया क्यापिटलको नाफा १० करोड ८१ लाख, डिम्याटमा 'नम्बर वान'

बिजपाटी संवाददाता

बिजपाटी संवाददाता

Jul 19, 2021 | 06:36:05 PM मा प्रकाशित

laxmi  sunrise bank

एनआईसी एशिया क्यापिटल NIC Asia Capital  ले आर्थिक वर्ष ७७/७८ को प्रगति विवरण सार्वजनिक गरेको छ ।  मर्चेण्ट बैंकिङ्ग ब्यवसायमा तिब्र प्रतिशप्रधा रहनु तथा कोरोना महामारीका कारण सिर्जित असहज अवस्था, अर्थतन्त्रमा आएको अस्थिरता, आर्थिक गतिविधिमा आएको कमी जस्ता विषम परिस्थितिका बाबजुद पनि समग्र व्यवसायमा उत्साहजनक बृद्धि भएको क्यापिटलले जनाएको छ । 

आ.व. २०७७÷७८ को अपरिष्कृत वित्तीय विवरण अनुसार क्यापिटलले १० करोड ८१ लाख खुद मुनाफा आर्जन गरी प्रति शेयर आम्दानी रु.५४.०५ कायम गरेको छ । जुन गत वर्षको सोही अवधिको तुलनामा १५१.७५ प्रतिशतले बढी हो ।

क्यापिटलले मर्चेण्ट बैंकिङ्ग सेवा अन्तर्गत आ.व. २०७७÷७८ को अन्त्य सम्ममा १० वटा कम्पनीको शेयर रजिष्ट्रार सम्बन्धी सेवा प्रदान गर्दै आइरहेको छ । निष्कशन तथा बिक्री प्रबन्ध सेवा अन्तर्गत हाल सम्म ७ वटा कम्पनीको प्राथमिक शेयर निष्काशन, ४ वटा कम्पनीको हकप्रद शेयर निष्काशन र १५ वटा कम्पनीको बोलकबोल मार्फत शेयर बिक्री गर्ने कार्य सम्पन्न गरेको जनाएको छ । 

क्यापिटलले आ.व. २०७७÷०७८ मा लगानी व्यवस्थापन सेवा अन्तर्गत “मेरो लगानी, मेरो भविष्य” भन्ने मूल नाराका साथ ग्राहकमुखी नवीनतम् विभिन्न योजनाहरु संचालन गरी ४५६ जना ग्राहकहरुबाट रु.१ एक अर्व १२ करोड भन्दा बढी रकम संकलन गरी लगानी व्यवस्थापन सेवा उपलब्ध गराएको उल्लेख गरेको छ । हालको बजार मुल्यको आधारमा गणना गर्दा उक्त रकम रु.१ अर्व ५७ करोड भन्दा बढी रहेको र यो गत वर्षको सोही अवधीको तुलनामा १५६ प्रतिशतले बृद्धि भएको क्यापिटलले जनाएको छ ।

आ.व. २०७७÷०७८ को अन्त्य सम्म क्यापिटलले एन आई सी एशिया बैंक म्युचुअल फण्ड अन्तर्गत चार वटा योजनाहरु संचालन गरिरहेको छ । जस अन्तर्गत तीनवटा बन्दमुखी योजनाहरु “एन आई सी एशिया ग्रोथ फण्ड”, “एन आई सी एशिया ब्यालेन्सड्फण्ड” र एन आई सी एशिया सेलेक्ट–३० इन्डेक्स फण्ड तथा एउटा खुलामुखी योजना “एन आई सी एशिया डाईनामिक डेप्ट फण्ड” संचालन गरिरहेको छ । पाँचौ रु.१ अर्व बराबरको बन्दमुखी योजना “एन आई सी एशिया फेलेक्सी क्याप फण्ड नेपाल धितोपत्र बोर्डमा स्वीकृतिको लागि निवेदन पेश गरेको छ ।

क्यापिटलका अनुसार “एन आई सी एशिया ग्रोथ फण्ड” तथा “एन आई सी एशिया ब्यालेन्सड् फण्ड”ले संचालनमा आएको पहिलो वर्ष देखि नै नगद लाभाशं वितरण गर्न सफल भएको छ । ग्रोथ फण्डले पहिलो वर्ष १० प्रतिशत र दोश्रो वर्ष १२ प्रतिशत गरी  हाल सम्म २२ प्रतिशत लाभाशं वितरण गरिसकेको छ भने ब्यालेन्सड्फण्डले संचालनमा आएको पहिलो वर्षको आठ महिनाको अवधिमै ८ प्रतिशत नगद लाभाशं वितरण गर्न सफल भएकोछ । उक्त लाभाशं वितरण पश्चात्समेत आ.व. २०७७÷७८ को अन्तमा “एन आई सी एशिया ग्रोथ फण्ड” को खुद सम्पत्ति मूल्य (NAV)  १८.७२ र “एन आई सी एशिया ब्यालेन्सड्फण्ड” को खुद सम्पत्ति मूल्य  (NAV) १७.२७ तथा पहिलो खुलामुखी योजना “एन आई सी एशिया डाईनामिक डेप्ट फण्ड” को खुद सम्पत्ति मूल्य ९(NAV)   ११.२६ कायम गर्न सफल भएको छ । 

क्यापिटलले निक्षेप सदस्य सेवा अन्तर्गत देशको सम्पूर्ण भू–भागमा बसोबास गर्ने आम जनतामाझ डिम्याट खाताको पहँुच सहज र सर्वसुलभ तरिकाबाट पु¥याउने मुख्य उद्देश्यका साथ विगतका वर्ष देखि नै “एक नेपाली, एक डिम्याट खाता” अभियान संचालन गरिरहेको छ । क्यापिटलले “एक नेपाली, एक डिम्याट खाता” अभियानलाई सहज र सर्वसुलभ रुपमा आम जनता माझ पु¥याउन एन आई सी एशिया बैंक लिमिटेडको देशभर छरिएर रहेका ३६० शाखा कार्यालयहरू तथा ७० वटा विस्तारित काउण्टरबाट समेत डिम्याट खाता खोल्ने, शेयरको अभौतिकीकरण गर्ने लगायतका निक्षेप सदस्यबाट प्रदान गरिने सम्पूर्ण सेवाहरु सहजै रुपमा उपलब्ध गराउने व्यवस्था मिलाएको छ ।

समिक्षा अवधिमा डिम्याट खाता खोल्दा लामो समय लाग्ने र उपत्यका बाहिरबाट डिम्याट खाता खोल्न निकैअसहज भईरहेको भन्ने जनगुनासो सम्बोधन गर्न नेपालको जुनसुकै भू–भागबाट समेत अनलाईन मार्फत डिम्याट खाता खोल्ने ग्राहकहरुलाई १ घण्टा भित्र निःशुल्क डिम्याट खाता उपलब्ध गराउने व्यवस्था मिलाएको छ । क्यापिटलले आ.व. २०७७÷०७८ को अन्त्य सम्ममा ४ लाख ७ हजारभन्दा बढी डिम्याट खाता खोली डिम्याट खाता संख्याको आधारमा नम्बर १ कम्पनी बन्न सफल भएको दाबी गरेको छ ।

क्यापिटलले समग्र बजारको १०.८३ प्रतिशत हिस्सा ओगटन सफल भएको क्यापिटलले जनाएको छ । हाल क्यापिटलले एक नेपाली, एक डिम्याट खाता अभियानको साथै, ४ वर्षको नविकरण शुल्क भुक्तानी गर्दा ५ वर्षसम्म डिम्याट खाता नविकरण हुने, रु.२,५०० एकमुष्ट भुक्तानी गर्दा लाईफटाईम डिम्याट खाता नविकरण हुने, अनलाईन मार्फत डिम्याट खाता खोल्दा १ घण्टा भित्र निःशुल्क डिम्याट खाता उपलब्ध गराउनेलगायतका योजनाहरु संचालन गरिरहेका छ ।

Share Your Thoughts

Recent News

Main News

TRENDING

Close in 7


Bizpati.com © 2020. All Rights Reserved