सामुहिक लगानी कोष योजना 'लक्ष्मी उन्नति कोष'को लाभांश वितरणको लागि बुक क्लोज मिति तय गरेको छ । योजना ब्यबस्थापक लक्ष्मी क्यापिटल Laxmi Capital Market ले लाभांश वितरणको लागि बुक क्लोज मिति तय गरेको हो ।
क्यापिटलले लाभांश बितरणको लागि साउन १३ गते बुक क्लोज गर्ने निर्णय गरेको हो । जस अनुसार साउन १२ गतेसम्म कायम इकाईधनीहरुले लाभांश पाउँन सक्ने छन् ।
योजना ब्यबस्थापन गरिरहेको योजना ब्यबस्थापक लक्ष्मी क्यापिटलको मंगलबार बसेको संचालक समितिको बैठकले आर्थिक वर्ष ७७/७८ को लागि वितरण गरिने लाभांश घोषणा गरेको थियो । जस अनुसार 'लक्ष्मी उन्नति कोष'ले इकाईधनीहरुलाई २५ प्रतिशत नगद लाभांश (कर सहित) वितरण गर्ने छ ।
यस संगै आर्थिक वर्ष ७७/७८ को लाभांश घोषणा गर्नेमा लक्ष्मी उन्नति फण्ड पहिलो बनेको छ ।
