जीवन विकास लघुवित्तको शेयर सुचिकृत, कति तोकियो सुरुवाती रेन्ज ?

नेपाल स्टक एक्सचेन्ज नेप्सेमा जीवन विकास लघुवित्तको शेयर सुचिकृत भएको छ। कम्पनीको ६० लाख ८४ हजार कित्ता शेयर सुचिकृत भएको हो । 

शेयर सुचिकृत भएसंगै कम्पनीको बिहिबारदेखि शेयर कारोबार सुचारु हुने छ । नेप्सेले कम्पनीको पहिलो कारोबारको लागि ३०५ रुपैयाँ २७ पैसा देखि ९१५ रुपैयाँ ८१ पैसा सम्मको रेन्ज तोकेको छ । यो रेन्जको जुनसुकै मूल्यबाट कम्पनीको शेयर कारोबार सुचारु हुन सक्ने छ । नेप्सेले पहिलो कारोबारको लागि कम्पनीको नेटवर्थको ३ गुणासम्मको मूल्य तोक्ने गरेको छ । कम्पनीको  GBLB सिम्बलबाट कारोबार हुने छ ।

कम्पनीले असार ११ गतेदेखि आईपिओ बिक्रि खुला गरेको हो । कम्पनीले १ सय मूल्य अंकित दरका १९ करोड ७७ लाख ३० हजार १९ लाख ७७ हजार ३ सय कित्ता शेयर निष्काशन गरेको थियो । जस मध्ये ३० हजार ४ सय २० कित्ता कम्पनीका कर्मचारीलाई र ९८ हजार ८ सय ३५ कित्ता सामुहिक लगानी कोषलाई छुट्याईएको थियो  ।  बाँकि रहेको १८ लाख ४८ हजार १५ कित्ताको लागि सर्वसाधारणले आवेदन दिएका थिए। 

 आईपिओमा कुल २० लाख ८७ हजार ३ सय १७ जनाको आवेदन परेकोमा ६९ हजार ९ जनाको आवेदन रद्द भएको थियो ।  ६९ हजार ९ जनाको आवेदन मध्ये केहीको आवेदन अयोग्य भएको र केहीको आवेदन रद्द भएको थियो । यस हिसाबमा २० लाख १८ हजार ३ सय ८ जना आवेदक योग्य रहेका थिए। माग भन्दा बढीको आवेदन परेकोले योग्य रहेका २० लाख १८ हजार ३ सय ८ जना आवेदकलाई गोलाप्रथामा सहभागी गराई शेयर बाँडफांड गरिएको थियो । 

जस अनुसार गोलाप्रथाबाट १ लाख ८४ हजार ८ सय १ जनाले १० कित्ता शेयर पाएका थिए भने ५ जनाले ११ कित्ता शेयर पाएका थिए । यस हिसाबमा १९ लाख २ हजार  ५ सय १६ जना आवेदक हात खाली भएका थिए ।  नेपाल धितोपत्र बोर्डले कम्पनीलाई जेठ ३० गते आईपिओ निष्काशनको लागि अनुमति प्रदान गरेको हो ।