मध्य भोटेकोशीको आईपिओ पुरै बिक्यो, हालसम्म कति पर्यो आवेदन ?

बिजपाटी सम्बाददाता

बिजपाटी सम्बाददाता

Jul 28, 2021 | 08:42:05 PM मा प्रकाशित

mega bank

मध्य भोटेकोशी जलविद्युत कम्पनीले निष्काशन गरेको आईपिओमा हालसम्म ६६ करोड ६९ लाख बढीको आवेदन परेको छ । बिक्रि प्रबन्धक ग्लोबल आईएमई क्यापिटलका अनुसार कम्पनीको आईपिओमा  आज बुधबार साँझसम्ममा ३१ हजार ५ सय आवेदकबाट ६६ लाख ६९ हजार १ सय ५३ कित्ताको लागि आवेदन परेको हो । यस संगै निष्काशन गरिएको पुरै शेयर बिक्रि भएको छ 

जस मध्ये आयोजना प्रभावितबाट २ हजार ९ सय ९३ जना आवेदकबाट ८ लाख १९ हजार ७ सय ६१ कित्ताको लागि र अन्य सिन्धुपाल्चोकवासीबाट २८ हजार ५ सय ७ आवेदकबाट ५८ लाख ४९ हजार ३ सय ९२ कित्ताको लागि आवेदन परेको हो ।  

 कम्पनीको यस अघि स्थगन भएको आईपिओ बिक्रि साउन ५ गतेबाट पुन: सुचारु भएको हो । कम्पनीले बैशाख २१ गतेदेखि सिन्धुपाल्चोकका आयोजना प्रभावित स्थानीयलाई  आईपिओ निष्काशन गरेकोमा निषेधाज्ञाको कारण बैशाख २४ गते बाट नै स्थगित भएको थियो  यस आईपिओमा छिटोमा साउन १७ गते र सो अवधिसम्म पर्याप्त आवेदन नपरेमा ढिलो सुन ३२ गतेसम्म आवेदन दिन सकिने छ  

कम्पनीले आयोजना प्रभावित स्थानीयलाइ ६० करोड बराबरको  ६० लाख कित्ता शेयर निष्काशन गरेको हो। कम्पनीले सिन्धुपाल्चोक जिल्लाका बासिन्दाको लागि कुल जारी पूँजी रु.६ अर्बको १०% अर्थात् रु.६० करोड बराबरको ६० लाख कित्ता निष्काशन गर्न लागेको हो। जस मध्ये सिन्धुपाल्चोक जिल्लाको आयोजना प्रभावित क्षेत्र भोटेकोशी गाउँपालिका वडा नं. १ र ५ (साविक लिस्ती गा.वि.स. र साविक मार्मिङ गा.वि.स.)बाह्रबिसे नगरपालिका वडा नं. ५ र ६ (साविक गाती गा.वि.स.) तथा बाह्रबिसे नगरपालिका वडा नं. ७ र ८ (साविक घुम्थाङ्ग गा.वि.स. र साविक मानेश्वरा गा.वि.स.) मा स्थायी बसोबास गर्ने बासिन्दाहरुको लागि ३०% ले हुन आउने १८ लाख कित्ता साधारण शेयर र माथि उल्लेखित आयोजनाबाट प्रभावित क्षेत्र बाहेक सिन्धुपाल्चोक जिल्लाका अन्य क्षेत्रमा स्थायी बसोबास गर्ने बासिन्दाहरुको लागिे ७०% ले हुन आउने ४२ लाख कित्ता साधारण शेयर निष्काशन गरेको हो । 

आईपिओमा ग्लोबल आईएमई क्यापिटलको वेबसाइट, इसेवा, आईएमई पे बाट अनलाइन आवेदन दिन सकिने ब्यबस्था छ । 

Share Your Thoughts

Recent News

Main News

TRENDING

Close in 7


Bizpati.com © 2020. All Rights Reserved