नेपाल स्टक एक्सचेन्ज नेप्सेमा सामुहिक लगानी कोष योजना ' लक्ष्मी इक्वीटी फण्डको इकाईको मुल्य समायोजन भएको छ । ३५ प्रतिशत लाभांशमा मूल्य समायोजन भएको हो ।
समायोजनपछि फण्डको इकाईको मूल्य प्रति इकाई १३ रुपैयाँ ९० पैसा कायम भएको छ । समायोजन अघि इकाईको मूल्य १७ रुपैयाँ ४० पैसा रहेको थियो ।
फण्डले लाभांश वितरणको लागि आज साउन १५ मा बुक क्लोज गर्ने निर्णय गरेकोले आज नै मूल्य समायोजन भएको हो । साउन १४ गतेसम्म कायम इकाईधनीहरुले लाभांश पाउँन सक्ने छन् ।
यस योजनाले आर्थिक वर्ष ७७/७८ को लागि इकाईधनीहरुलाई ३५ प्रतिशत नगद लाभांश (कर सहित) वितरण गर्ने घोषणा गरेको छ । क्यापिटलले ब्यबस्थापन गरिरहेको अर्को योजना लक्ष्मी उन्नति फण्डले आर्थिक वर्ष ७७/७८ को लागि इकाईधनीहरुलाई २५ प्रतिशत नगद लाभांश (कर सहित) वितरण गर्ने घोषणा गरिसकेको छ ।