गत आर्थिक वर्ष ७७/७८ मा आरएमडिसी लघुवित्त RMDC Laghubitta Bittiya Sanstha को खुद नाफा घटेको छ । अघिल्लो आर्थिक वर्ष ७६/७७ को तुलनामा गत वर्ष कम्पनीको खुद नाफा १८.६८ प्रतिशतले घटेको हो ।
अघिल्लो वर्ष कम्पनीको खुद नाफा २८ करोड ६० लाख बाट घटेर २३ करोड २५ लाख पुगेको हो । यस अवधिमा कम्पनीको खुद ब्याज आम्दानी पनि १२.२४ प्रतिशतले घटेर ४० करोड ३९ लाख पुगेको छ ।
कम्पनीले ९ अर्ब ३७ करोड सापटी लिएको छ भने ११ अर्ब ८१ करोड बराबरको ऋण प्रवाह गरेको छ । कम्पनीको खराब कर्जा ०.०१ प्रतिशतबाट ०.०५ प्रतिशत पुगेको छ ।
१ अर्ब ३ करोड चुक्ता पुंजी रहेको कम्पनीको रिजर्भमा १ अर्ब ७४ करोड रहेको छ ।
कम्पनीको प्रति शेयर आम्दानी २२ रुपैयाँ ४९ पैसा रहेको छ भने प्रति शेयर नेट वर्थ २६९ रुपैयाँ ०३ पैसा रहेको छ ।
