गत आर्थिक वर्ष ७७/७८ मा अरुण काबेली Arun Kabeli Power को खुद नाफा १६८.३८ प्रतिशतले बढेको छ। अधिल्लो आर्थिक वर्ष ७६/७७ मा कम्पनीको खुद नाफा १० करोड ७९ लाख रहेकोमा गतवर्ष खुद नाफा बढेर २८ करोड ९७ लाख पुगेको छ ।
यस अवधिमा कम्पनीले ७० करोड ६७ लाख बराबरको बिजुली बिक्रि गरेको छ भने अन्य स्रोतबाट २ करोड ६ लाख आम्दानी गरेको छ । कम्पनीको विद्युत बिक्री आम्दानी ७३.५५ प्रतिशत बढेको छ। १ अर्ब ५८ करोड चुक्ता पुंजी रहेको कम्पनीको रिजर्भमा २९ करोड २२ लाख रहेको छ ।
यस अवधिमा कम्पनीको प्रति शेयर आम्दानी १८.२८ रुपैयाँ, प्रति शेयर नेट वर्थ ११८.४३ रुपैयाँ, र मूल्य आम्दानी अनुपात २५.९४ गुणा रहेको छ ।
