एनआईबिएल एस क्यापिटलले आफ्ना सामुहिक लगानी कोष योजनाहरुको लाभांश वितरणको लागि बुक क्लोज मिति घोषणा गरेको छ । क्यापिटलले आर्थिक वर्ष ७७/७८ को लागि वितरण गरिने लाभांशको लागि बुक क्लोज मिति तय गरेको हो ।
जस अनुसार एनआईबिएल प्रगति फण्डको साउन २९ गते बुक क्लोज हुने भएको छ । साउन २८ गतेसम्म कायम इकाईधनीले मात्र लाभांश पाउँन सक्ने छन् । एनआईबिएल प्रगति फण्डले ५० प्रतिशतले हुन आउने ३७ करोड ५० लाख बराबरको नगद लाभांश वितरण गर्ने घोषणा गरिसकेको छ ।
त्यस्तै एनआईबिएल समृद्धि फण्ड १ ले पनि साउन २९ गते बुक क्लोज हुने भएको छ । साउन २८ गतेसम्म कायम इकाईधनीले मात्र लाभांश पाउँन सक्ने छन् । एनआईबिएल समृद्धि फण्ड १ ले ३५ प्रतिशतले हुन् आउने ३५ करोड बराबरको नगद लाभांश वितरण गर्ने घोषणा गरिसकेको छ ।
यी योजना एनआईबिएल म्युचुअल फण्ड अन्तर्गत संचलित योजना हुन् ।