एनआईसी एशिया क्यापिटल NIC Asia Capital ले साधारणसभा आह्वान गरेको छ । क्यापिटलको आज सम्पन्न संचालक समितिको ९४ औं बैंठकले आगामी भाद्र १३ गते आइतबारसाधारणसभा आह्व्ना गर्ने निर्णय गरेको हो ।
उक्त वार्षिक साधारण सभाबाट आर्थिक वर्ष २०७७÷०७८ को सञ्चालक समितिको वार्षिक प्रतिवेदन छलफल गरि पारित गर्ने तथा संचालक समितिले प्रस्ताव गरे बमोजिम चुक्ता पूँजीको ४८ प्रतिशत (कर सहित) का दरले हुन आउने रु. ९,६०,००,०००÷– (नौ करोड साठी लाख मात्र) नगद लाभांश वितरण गर्ने लगायतका प्रस्तावहरु उपर छलफल गरि पारित गर्ने क्यापिटलले जनाएको छ ।
क्यापिटलडले हाल शेयर रजिष्ट्रार, निष्काशन तथा बिक्री प्रबन्ध, शेयर प्रत्याभूति, लगानी व्यवस्थापन, निक्षेप सदस्य, म्युचुअल फण्ड, संस्थागत परामर्श लगायतका मर्चेण्ट बैंकिङ्ग सम्बन्धी सम्पूर्ण सेवाहरु प्रदान गर्दै आईरहेको छ ।
