.gif)
नेपाल बैंक Nepal Bank Limited को ऋणपत्र सूचीकृत भएको छ । बैंकले जारी गरेको ३ अर्ब ५० करोड बराबरको १,००० अंकित दरको ३५ लाख कित्ता “८.५० प्रतिशत नेपाल बैंक ऋणपत्र–२०८७” सूचीकृत भएको हो ।
नेपाल स्टक एक्सचेञ्चमा ऋणपत्र सूचीकरणका लागि नेपाल स्टक एक्सचेञ्चका प्रमुख कार्यकारी अधिकृत चन्द्र सिं साउद र नेपाल बैंक लिमिटेडका प्रमुख कार्यकारी अधिकृत कृष्णबहादुर अधिकारीका बिच धितोपत्र सूचीकरण सम्बन्धी सम्झौता पत्रमा हस्ताक्षर पनि भएको छ ।
सूचीकरण भएको ऋणपत्र धितोपत्र सूचीकरण सम्झौता सम्पन्न भएको दोस्रो दिनबाट नेपाल स्टक एक्सचेञ्ज लिमिटेडमा कारोबार शुरु हुने छ ।
