आर्थिक वर्ष ७७/७८ को चौथो त्रैमासमा मेगा बैंक Mega Bank Nepal Limited को खुद नाफा ४५.१६ प्रतिशतले बढेको छ। आर्थिक वर्ष ७६/७७ मा बैंकको खुद नाफा १ अर्ब ५८ करोड रहेकोमा आर्थिक वर्ष ७७/७८ को चौथो त्रैमाससम्म बैंकको खुद नाफा बढेर २ अर्ब ३० करोड पुगेको छ ।
यस अवधिमा बैंकको वितरणयोग्य मुनाफा १ अर्ब ५१ करोड रहेको छ । बैंकको खुद ब्याज आम्दानी ३८.९५ प्रतिशतले बढेर ५ अर्ब ८० करोड पुगेको छ ।
यस अवधिमा बैंकको निक्षेप ७.०४ प्रतिशतले बढेर १ खर्ब ३६ अर्ब पुगेको छ भने कर्जा प्रवाह २४.२८ प्रतिशतले बढेर १ खर्ब ३७ अर्ब पुगेको छ । १४ अर्ब ६५ करोड चुक्ता पुंजी रहेको कम्पनीको रिजर्भमा ५ अर्ब ६४ रहेको छ । बैंकको खराब कर्जा १.२६ प्रतिशत रहेको छ ।
यस अवधिमा बैंकको प्रति शेयर आम्दानी १५.७१ रुपैयाँ रहेको छ भने प्रति शेयर नेटवर्थ १३८.५५ रुपैयाँ रहेको छ । बैंकको मूल्य आम्दानी अनुपात २३.२९ गुणा रहेको छ भने सिसिडि ८२.६९ प्रतिशत रहेको छ ।
