नेपाल स्टक एक्सचेन्ज नेप्सेमा एनआईबिएल प्रगति फण्ड र एनआईबिएल समृद्धि फण्ड १ को इकाई मूल्य समायोजन भएको छ । दुवै योजनाले लाभांश वितरणको लागि आज साउन २९ गते बुक क्लोज गर्ने निर्णय गरेकोले आज मूल्य समायोजन भएको हो ।
एनआईबिएल समृद्धि फण्ड १ को ३५ प्रतिशत लाभांशमा मूल्य समायोजन भएको हो । समायोजनपछि योजनाको प्रति इकाई मूल्य १३ रुपैयाँ कायम भएको छ । समायोजन अघि योजनाको प्रति इकाई मूल्य १६ रुपैयाँ ५० पैसा रहेको थियो ।
त्यस्तै एनआईबिएल प्रगति फण्ड १ को ५० प्रतिशत लाभांशमा मूल्य समायोजन भएको हो । समायोजनपछि योजनाको प्रति इकाई मूल्य १४ रुपैयाँ ०५ कायम भएको छ । समायोजन अघि योजनाको प्रति इकाई मूल्य १९ रुपैयाँ ०५ पैसा रहेको थियो ।
एनआईबिएल प्रगति फण्डले ५० प्रतिशतले हुन आउने ३७ करोड ५० लाख बराबरको नगद लाभांश वितरण गर्न लागेको हो । त्यस्तै एनआईबिएल समृद्धि फण्ड १ ले ३५ प्रतिशतले हुन् आउने ३५ करोड बराबरको नगद लाभांश वितरण गर्न लागेको हो ।
यी योजना एनआईबिएल म्युचुअल फण्ड अन्तर्गत संचलित योजना हुन् ।