नेपाल स्टक एक्चेन्ज नेप्सेले सुचिकृत कम्पनीहरुको पछिल्लो बर्गिकरण सार्बजनिक गरेको छ। नेप्सेले धितोपत्र सूचीकरण नियमावलीको विनियम ११(६) बमोजिम कम्पनीहरुको बर्गिकरण सार्बजनिक गरेको हो ।
साविकमा सूचिकृत संगठित संस्थालाई ए र वि गरी दुईवटामा सीमित गरिएको थियो । तर नेपाल धितोपत्र बोर्डले लागु गरेको नयाँ नियमावलीमा कम्पनीहरुलाई अन्तर्राष्ट्रिय अभ्यासलाई समेत दृष्तिगत गरी ए, वि, जि र जेड गरी चार वर्गमा वर्गिकरण गर्ने ब्यबस्था छ । सोहि अनुसार नेप्सेले संस्थाको चुक्ता पूँजी, प्रतिफल, नियम परिपालना लगायतको स्थितिलाई हेरी नयाँ बर्गिकरण सार्बजनिक गरेको हो ।
नेप्सेले गरेको बर्गिकरणमा राम्रो मानिने 'ए' मा २० वटा वाणिज्य बैंक, २ वटा विकास बैंक, १ फाइनान्स, १ लघुवित्त र ४ वटा हाइड्रो कम्पनी छन् । त्यस्तै समुह बि मा एउटा वाणिज्य बैंक, एउटा विकास बैंक , २ वटा फाइनान्स, २ वटा लघुवित्त, ३ वटा हाइड्रो र इन्भेष्टमेन्ट समुहको एउटा कम्पनी रहेको छ ।
खराब मानिने समुह जेडमा भने ५ वटा वाणिज्य बैंक, १४ वटा विकास बैंक, २० वटा फाइनान्स, २२ वटा इन्स्योरेन्स, ४३ वटा लघुवित्त, २४ वटा हाइड्रो र अन्य समुहका गरि ३० वटा गरि १५८ कम्पनी समावेश रहेका छन् ।
सेयरबजारमा राम्रा मानिने दर्जनौ कम्पनीहरु समेत खराब कम्पनीको सुचिमा दर्ज हुँदा त्यसले नेप्सेको बर्गिकरण माथि नै प्रश्न उठेको छ। यद्दपी सेयरबजारमा लगानीकर्ताको दृष्टिकोणमा राम्रा मानिने कम्पनीहरुले बर्गिकरणको क्रममा आबश्यक कागजात र प्रक्रिया पुरा गर्न नसकेकाले उनीहरु खराब कम्पनीको सुचिमा बर्गिकरण गरिएको हो।
सुचिकृत अधिकांश कम्पनीहरुले उपलब्ध गराएको कागजातमा क्रेडिट रेटिङ नभएको पाईएपछि उनीहरुलाई खराब कम्पनीमा बर्गिकरण गरिएको नेप्सेले जनाएको छ। केहि थप बाणिज्य बैंक लगायत अधिकांश कम्पनीहरु राम्रो मानिने ए र बि मा बर्गिकरण हुने अवस्था हुँदाहुँदै पनि उनीहरुले क्रेडिट रेटिङ नगराएकाले खराब मानिने जेड बर्गिकरणमा परेका हुन।
वित्तीय सुशासन र लगानीकर्ताप्रतिको जिम्मेवारी बहन गर्न नसक्ने कम्पनीहरुलाई भने नेप्सेको बर्गिकरणले अप्ठ्यारोमा पार्ने बिश्वास गरिएको छ। आर्थिक बर्ष सकिएको ६ महिना बितिसक्दा पनि बार्षिक साधारणसभा नगर्ने, समयमै वित्तीय विवरण प्रकाशित नगर्ने, कर्मकाण्ड पुरा गर्न एउटा पत्रिकामा वित्तीय विवरण प्रकाशित गर्ने र व्यवस्थापकीय विश्लेषण अर्को पत्रिकामा गरि लगानीकर्ताको आँखा छल्ने, बर्षौं बित्दा समेत लाभांश वितरण नगर्ने जस्ता हर्कत गर्ने कम्पनीहरु पनि नेप्सेको बर्गिकरणले नैतिक अप्ठ्यारोमा परेको विश्लेषण गरिएको छ।
नेप्सेको बर्गिकरणले ठुलो अंकको नाफा कमाउदैमा, बढी लाभांश वितरण गर्दैमा कम्पनी उत्कृष्ट हुन्छ भन्ने मानसिकतालाई परिवर्तन गरि लगानीकर्ताप्रति जिम्मेवार बनाउने अपेक्षा गरिएको छ। नेप्सेको बर्गिकरणले सुशासनमा रहन नचाहने कम्पनीहरुलाई लगानीकर्ताको नजरमा गिराउने निश्चित छ। अहिलेको बर्गिकरणले पनि त्यहि बिषयलाई निरन्तरता दिएको सेयर बिज्ञहरुको बुझाई छ।
कम्पनीको वित्तीय अवस्थाको साथसाथै सुशासनलाई पनि बर्गिकरणले महत्त्व दिएकाले सुचिकृत कम्पनीहरुलाई सेयरधनी बिशेषगरि सर्वसाधारण सेयरधनीप्रति उत्तरदायी बनाउने अपेक्षा गरिएको छ। राम्रा मानिने बाणिज्य बैंकहरु समेत खराब बर्गमा रहनुले वित्तीय अवस्था राम्रो हुँदाहुँदै पनि कुनै एउटा आधारमा कमजोर देखियो भने कम्पनीको बर्गीकरण खस्कनसक्ने संदेश दिएको छ।
यस्तो छ नेप्सेको पछिल्लो बर्गिकरणको विवरण :