नेपाल स्टक एक्सचेन्ज नेप्सेका प्रमुख कार्यकारी अधिकृतले अचानक पत्रकार सम्मलेनको आयोजना गरेका छन् । उनले आज मंगलबार साँझ ५ बजे नेप्सेको कार्यालयमा नै पत्रकार सम्मलेनको आयोजना गरेका हुन् ।
सर्वोत्तम सिमेन्टको शेयर खरिद प्रकरणमा मुछिएका उनले आयोजना गरेको पत्रकार सम्मलेनलाई चासोका साथ हेरिएको छ । उनले राजिनामा दिनसक्ने पनि बताईएको छ । त्यसो त उनको कार्यकाल अब करिब ५ हप्ता मात्र बाँकि छ । उनको कार्यकाल आगामी असोज २२ सम्म मात्र छ ।
यस अघि अर्थ समितिको बैठकमा उनले परिवारको नाममा शेयर खरिद गरेर गल्ति महशुश भएको बताएका थिए । साथै अर्थ समितिले उनी सहित नेपाल धितोपत्र बोर्डका अध्यक्ष भिष्म ढुंगानालाई पनि कारवाही गर्न निर्देशन दिएको छ ।
सोहि अनुसार अर्थ मन्त्रालयले थप कारवाही प्रक्रिया अगाडी बढाउने तयारी गरेपछि उनले राजिनामा दिन सक्ने अनुमान नेप्से भित्रै छ ।