नेपाल स्टक एक्सचेन्ज नेप्सेमा अरुण काबेली पावर Arun Kabeli Power को शेयर मूल्य समायोजन भएको छ । कम्पनीले साधारणसभा प्रयोजनको लागि आज मंगलबारदेखि बुक क्लोज गर्ने निर्णय गरेकोले आज मूल्य समायोजन भएको हो ।
कम्पनीको १७ प्रतिशत बोनसमा मूल्य समायोजन भएको हो । समायोजनपछि कम्पनीको शेयर मूल्य प्रति ६८१ रुपैयाँ कायम भएको छ । समायोजनअघि कम्पनीको शेयर मूल्य प्रति कित्ता ७९७ थियो ।
कम्पनीले साधारणसभा प्रयोजनको लागि भदौ १५ गतेदेखि बुक क्लोज गर्ने निर्णय गरेको तथा भदौ १४ गते सार्वजनिक विदा परेकोले भदौ १३ गतेसम्म कायम शेयरधनीले मात्र सभामा भाग लिन र प्रस्तावित लाभांश पाउँन सक्ने छन् ।
कम्पनीले २०७८ असार मसान्तसम्मको संचित मुनाफाबाट हाल कायम चुक्ता पुंजीको १७ प्रतिशत बोनस शेयर र कर प्रयोजनको लागि ०.८९ प्रतिशत नगद लाभांश गरि कुल १७.८९ प्रतिशत लाभांश वितरण गर्ने प्रस्ताव गरेको हो । कम्पनीको आगामी साधारणसभाले पारित गरेपछि उक्त लाभांश लगानीकर्तामा बितरण हुने छ । कम्पनीले भदौ २६ गते साधारणसभामा आह्वान गरेको छ ।
कम्पनीले साधारणसभामा कम्पनीको संचालक संख्या ७ जना बाट घटाएर ५ जना सिमित गर्ने प्रस्ताव पनि पेश गर्ने भएको छ ।