सानिमा क्यापिटल Sanima Capital ले आफुले संचालन गरेको म्युचुअल फण्ड योजनाको लाभांश वितरणको लागि बुक क्लोज मिति तय गरेको छ । क्यापिटलले लाभांश बितरणको लागि असोज १ गते बुक क्लोज गर्ने निर्णय गरेको हो ।
यस हिसाबमा भदौ ३१ गतेसम्म कायम इकाईधनीले मात्र म्युचुअल फण्डले दिने लाभांश पाउँन सक्ने छन् । सानिमा क्यापिटलले यस अघि नै आफ्ना फण्डहरुले आर्थिक वर्ष ७७/७८ को मुनाफ बाट वितरण गर्ने लाभांश घोषणा गरिसकेको छ ।
जस अनुसार सानिमा लार्ज क्याप फण्डले योजनाको आकार १ अर्ब २० करोडको कर सहित ४ प्रतिशतले हुन आउने ४ करोड ८० लाख बराबरको नगद लाभांश वितरण गर्ने भएको छ । त्यस्तै सानिमा इक्विटी फण्डले योजनाको आकार १ अर्ब ३० करोडको कर सहित ३३ प्रतिशतले हुन आउने ४२ करोड ९० लाख बराबरको नगद लाभांश वितरण गर्ने भएको छ ।
यो दुवै योजना सानिमा म्युचुअल फण्ड अन्तर्गत संचलित योजना हुन् ।