नेप्सेमा सिटिजन्स म्युचुअल फण्ड १ र २ को मूल्य समायोजन

बिजपाटी संवाददाता

बिजपाटी संवाददाता

Sep 09, 2021 | 07:38:23 AM मा प्रकाशित

ntc

नेपाल स्टक एक्सचेन्ज नेप्सेमा सीबिआईएल क्यापिटल CBIL Capital  ले संचालन गरेको सामुहिक लगानी कोष योजनाहरुको इकाई मूल्य समायोजन भएको छ ।  नेप्सेमा आज सिटिजन्स म्युचुअल फण्ड १ र सिटिजन्स म्युचुअल फण्ड  २ को इकाई मूल्य समायोजन भएको हो ।

जस अनुसार सिटिजन्स म्युचुअल फण्ड १ को इकाई इकाई मूल्य प्रति इकाई ११.२० रुपैयाँ कायम भएको छ । समायोजनअघि यस योजनाको इकाई मूल्य प्रति इकाई १५ रुपैयाँ २० पैसा थियो । ४० प्रतिशत लाभांशमा इकाई मूल्य समायोजन भएको हो । 

त्यस्तै सिटिजन्स म्युचुअल फण्ड २ को इकाई मूल्य प्रति इकाई ११.४९ रुपैयाँ कायम भएको छ । समायोजनअघि यस योजनाको इकाई मूल्य प्रति इकाई १५ रुपैयाँ ४९ पैसा थियो । ४० प्रतिशत लाभांशमा इकाई मूल्य समायोजन भएको हो । 

दुवै योजनाको लाभांश वितरणको क्यापिटलले भदौ २४ गते बुक क्लोज गर्ने निर्णय गरेकोले भदौ २३ गते कायम इकाईधनीले मात्र यी योजनाको लाभांश पाउँन सक्ने छन् । क्यापिटलले सिटिजन्स म्युचुअल फण्ड १ का इकाईधनीहरुलाई ४० प्रतिशतले हुन आउने ३२ करोड ८० लाख रुपैयाँ नगद लाभांश र सिटिजन्स  म्युचुअल फण्ड २ का इकाईधनीहरुलाई ४० प्रतिशतले हुन आउने २२ करोड ४० लाख बराबरको नगद लाभांश वितरण गर्ने घोषणा गरिसकेको छ । 

यी सबै योजना सिटिजन्स म्युचुअल फण्ड अन्तर्गत संचलित योजना हुन् ।  

Share Your Thoughts

Recent News

Main News

TRENDING

Close in 7


Bizpati.com © 2020. All Rights Reserved