नेपाल ल्युब ओइल लिमिटेड (एनएलओ) ले गत आर्थिक बर्षको लाभांश घोषणा गरेको छ। कम्पनीको भदौ २५, २०७८ मा बसेको ३५८ औं संचालक समितिको बैठकले आर्थिक बर्ष २०७७-०७८ मा कर प्रयोजन सहित ३५ प्रतिशत लाभांश दिने प्रस्ताव गरेको छ।
कम्पनीले नेप्सेलाई दिएको जानकारीअनुसार ३५ प्रतिशत लाभांशमा ३० प्रतिशत बोनस सेयर र कर प्रयोजन सहित ५ प्रतिशत नगद रहेको छ। यस अगाडीको आर्थिक बर्षमा कम्पनीले १० प्रतिश्त नगद लाभांश दिएको थियो।
त्यस्तै, कम्पनीले यहि असोज १८ गते डाकेको बार्षिक साधारणसभाको प्रयोजनार्थ असोज ५ गतेदेखि असोज १८ गतेसम्मका लागि लागि बुक क्लोजको मिति समेत तय गरेको छ। अर्थात असोज ४ गतेसम्म कायम सेयरधनिहरुले कम्पनीको साधारणसभामा भाग लिन तथा लाभांश प्राप्त गर्नेछन।
कम्पनीले कोभिड १९ को महामारीलाई मध्यनजर गर्दै भर्चुअल मार्फत बार्षिक साधारणसभा गर्ने भएको छ।
