आदर्श लघुवित्त वित्तीय संस्थाले आईपिओ निष्काशनको अनुमति माग गर्दै नेपाल धितोपत्र बोर्डमा आवेदन दिएको छ । कम्पनीले असोज २० गते बोर्डमा आवेदन दिएको हो ।
आदर्श लघुवित्तले आफ्नो जारी पूँजी रु. २ करोडको ३० प्रतिशतले हुन आउने जम्मा रकम रु. ६० लाख बराबरको जम्मा ६० हजार कित्ता शेयर सर्वसाधारणको निमित्त निष्काशन गर्न अनुमति माग गरेको हो । शेयर निष्काशनको लागि बि.ओ.के. क्यापिटल बिक्रि प्रबन्धक रहेको छ।
कम्पनीको केन्द्रिय कार्यालय काभ्रेको बनेपामा रहेको छ । कम्पनीको अधिकृत पुंजी ४ करोड, जारी पुंजी २ करोड र चुक्ता पुंजी १ करोड ४० लाख रहेको छ ।
