नेपाल स्टक एक्सचेन्ज नेप्सेमा साधना लघुवित्त वित्तीय सँस्थाको शेयर मूल्य समायोजन भएको छ । कम्पनीको २५ प्रतिशत बोनसमा मूल्य समायोजन भएको हो ।
समायोजनपछि कम्पनीको शेयर मूल्य प्रति कित्ता १४१५.२० रुपैयाँ कायम भएको छ । समायोजन अघि कम्पनीको शेयर मूल्य प्रति कित्ता १७६९ रुपैयाँ रहेको थियो ।
कम्पनीले साधारणसभा प्रयोजनार्थ आज कात्तिक ३ गते बुक क्लोज गर्ने निर्णय गरेकाले आज मूल्य समायोजन भएको हो । कार्तिक २ गतेसम्म कायम सेयरधनीहरुले मात्रै सभामा भाग लिन तथा लाभांश प्राप्त गर्न सक्ने छन्।
कम्पनीले कुल २६.३२ प्रतिशत लाभांश प्रस्ताव गरेको हो। कम्पनीले आर्थिक वर्ष ७७/७८ को मुनाफाबाट हाल कायाम चुक्ता पुंजीको २५ प्रतिशतले हुन आउने ६ करोड ४२ लाख ४५ हजार १ सय रुपैयाँ बराबरको बोनस शेयर र कर प्रयोजनको लागि १.३२ प्रतिशतले हुन आउने ३३ लाख ८१ हजार ३ सय २१ रुपैयाँ ५ पैसा बराबरको नगद लाभांश वितरण गर्ने प्रस्ताव गरेको छ।
साधारणसभाले पारित गरेपछि उक्त लाभांश लगानीकर्तामा बितरण हुने छ । हाल कम्पनीक्जो चुक्ता पुंजी २५ करोड ६९ लाख ८० हजार ४ सय रुपैयाँ रहेको छ ।
त्यस्तै साधारणसभामा अध्यक्षको प्रतिवेदन उपर छलफल गरि पारित गर्ने, लेखापरीक्षकको प्रतिवेदन उपर छलफल गरि पारित गर्ने, लेखापरीक्षकको नियुक्ति गरि निजको पारिश्रमिक तोक्ने, प्रबन्धपत्र र नियमावलीमा आवश्यक संशोधन गर्ने र नियामक निकायले थप संशोधनको लागि निर्देशन दिएमा सो को अख्तियारी संचालक समितिलाई दिने लगायतका प्रस्ताव पेश हुने छ ।
त्यस्तै संस्थापक समुहबाट प्रतिनिधित्व गर्ने ४ जना संचालकको निर्वाचन गर्ने, मर्जर तथा प्राप्ति समबन्धि निर्णय गर्ने अख्तियारी संचालक समितिलाई दिने प्रस्ताव पनि सभामा पेश हुने छ ।
