अब शेयर बजारको लागि केही पनि नकारात्मक न्युज बाँकी छैन: अम्बिका पौडेल

बिजपाटी संवाददाता

बिजपाटी संवाददाता

Oct 20, 2021 | 12:59:02 PM मा प्रकाशित

laxmi  sunrise bank

शेयर विश्लेषक तथा लगानीकर्ता अम्बिका प्रसाद पौडेलले अब शेयर बजारको लागि केही पनि नकारात्मक समाचार बाँकी नरहेको बताएका छन् । भोग्नु र सहनु पर्ने सबै कुरा  भोगी सकिएको र सहि सकिएको भन्दै उनले अब बजारको लागि केही पनि नकारात्मक न्युज बाँकी छैन जस्तो लागेको बताएका हुन्। 

यस अघि नियामक निकायको विभिन्न नीतिका कारण बजार घटेको बताएका उनले अब भने नकारात्मक समाचार नरहेको बताएका हुन् । उनले सामाजिक संजालमा लेखेका छन् 'बजारको लागि अब केही पनि नकारात्मक न्युज बाँकी छैन जस्तो लागेको छ। भोग्नु र सहनु पर्ने सबै कुरा  भोगी सक्यो सहिसक्यो । "मलाई लागेको कुरा"' 

नेपाल राष्ट्र बैंकले  ब्याजदर बारेको सर्कुलर जारी गरेको भोलिपल्ट उनको यस्तो अभिव्यक्ति आएको हो ।  बैंकहरुले आफु खुसी अधिक ब्याज दर निर्धारण गर्न थालेपछि नेपाल राष्ट्र बैंकले मंगलबार अबेर नयाँ निर्देशन जारी गरेको हो । 

 जस अनुसार अब इजाजतपत्रप्राप्त बैंक तथा वित्तीय संस्थाले जुनसुकै प्रकारको निक्षेपमा प्रदान गर्ने ब्याजदर निर्धारण तथा प्रकाशन गर्दा अधिल्लो महिना प्रकाशित ब्याजदरमा बढीमा दश प्रतिशतका दरले मात्र परिवर्तन गर्न सक्नेछन्। यस अघि यस्तो सीमा नरहेको अब १० प्रतिशतको सीमा लगाईएको हो  ।

त्यस्तै संस्थागत मुद्दती निक्षेप (बोलकबोलसमेत) मा प्रदान गरिने अधिकतम ब्याजदर सर्वसाधारणलाई मुद्दती निक्षेपमा प्रदान गरिने अधिकतम ब्याजदरभन्दा कम्तीमा एक प्रतिशत बिन्दुले कम हुनुपर्ने ब्यबस्था राष्ट्र बैंकले गरेको छ ।

२०७८ कात्तिक महिनाको लागि प्रकाशित भईसकेको व्याजदर यी २ ब्यबस्था बमोजिम नभएको भए सो व्याजदरमा समेत संशोधन गरि कार्तिक ३ गते बुधवार  भित्र आफ्नो वेबसाइट मार्फत सार्वजनिक गर्न राष्ट्र बैंकले निर्देशन दिएको छ । यस्तो ब्याजदर कार्तिक ०५ भित्र दैनिक पत्रिकामासमेत प्रकाशन गर्न राष्ट्र बैंकले निर्देशन दिएको छ ।

यस संगै अब अधिल्लो महिना प्रकाशित ब्याजदरमा बढीमा दश प्रतिशत भन्दा बढीले नयाँ ब्याजदर सार्वजनिक गरेका बैंकले ब्याजदर घटाउनु पर्ने भएको छ  । राष्ट्र बैंकले वाणिज्य बैंक, विकास बैंक र फाइनान्सको लागि यो निर्देशन जारी गरेको हो ।

राष्ट्र बैंकको ब्याजदर समबन्धि यस निर्देशनले आज बजारमा सकारात्मक प्रभाव परेको छ ।

Share Your Thoughts

Recent News

Main News

Close in 7


Bizpati.com © 2020. All Rights Reserved