सिद्धार्थ क्यापिटल Siddhartha Capital को खुलामुखी सामुहिक कोष लगानी योजना 'सिद्धार्थ सिस्टम्याटिक इन्भेस्टमेन्ट स्किम' को इकाई आज आइतबारबाट खरिद बिक्रि गर्न सकिने भएको छ । सिद्धार्थ बैंक कोष प्रबर्द्धक तथा सिद्धार्थ क्यापिटल योजना व्यवस्थापक रहेको सिद्धार्थ म्युचुअल फण्ड अन्तर्गत संचालन हुने यस योजनाको इकाईहरुको बिक्रि आजबाट खुला गरिएको क्यापिटलले जनाएको हो ।
आज आइतबारदेखि सिद्धार्थ क्यापिटलको नारायणचौर, नक्साल स्थित कार्यालयबाट इकाई खरीद/बिक्री गर्न सकिने छ । क्यापिटलले हरेक साताको आईतबारदेखि बिहीबारसम्मः बिहान १०:०० बजेदेखि दिउँसो ३:०० बजेसम्म इकाई खरिद बिक्रिको लागि काउन्टर खुल्ला हुने जनाएको छ। शुक्रबार, शनिबार तथा सार्वजनिक बिदाका दिन योजनाका इकाईहरु खरीद/बिक्री बन्द रहने क्यापिटलले जनाएको छ ।
यो खुलामुखी योजना भएकोले नेप्सेमा कारोबार भने हुदैन ।