नेप्सेमा गुराँस लाइफ इन्स्योरेन्सको शेयर मूल्य समायोजन

बिजपाटी संवाददाता

बिजपाटी संवाददाता

Nov 09, 2021 | 08:06:52 AM मा प्रकाशित

laxmi  sunrise bank

नेपाल स्टक एक्सचेन्ज नेप्सेमा गुराँस लाइफ इन्स्योरेन्स Gurans Life Insurance Company  को शेयर मूल्य समायोजन भएको छ । कम्पनीको ५.५००४१७४ प्रतिशत बोनसमा मूल्य समायोजन भएको हो ।

समायोजनपछि कम्पनीको शेयर मूल्य प्रति शेयर ६१८.०१ रुपैयाँ कायम भएको छ । समायोजनअघि कम्पनीको शेयर मूल्य प्रति कित्ता ६५२ रुपैयाँ थियो । कम्पनीले साधारणसभा प्रयोजनको लागि आज कार्तिक २३ गतेदेखि मङ्सिर १० गतेसम्म  बुक क्लोज गर्ने निर्णय गरेकोले आज मूल्य समायोजन भएको हो। कार्तिक २२ गतेसम्म कायम शेयरधनीले मात्र सभामा भाग लिन र प्रस्तावित लाभांश पाउँन सक्ने छन् । 

कम्पनीले मङ्सिर १० गते शुक्रबार भिडियो कन्फरेन्सको माध्यमबाट सभा गर्न लागेको छ  । सभामा लाभांश सहितका विभिन्न प्रस्ताव पेश हुने छन् ।  म्पनीले आर्थिक वर्ष ७५/७६ सम्मको संचित मुनाफाबाट हाल कायम चुक्ता पुंजीको ५.५० प्रतिशतले हुन आउने १० करोड ८६ लाख ६५ हजार ४ सय बराबरको बोनस शेयर र कर प्रयोजनको लागि ०.२८९ प्रतिशतले हुन आउने ५७ लाख १९ हजार २ सय ३१ रुपैयाँ ५७ पैसा नगद लाभांश गरि कुल ५.७८९ प्रतिशत लाभांश वितरण गर्ने प्रस्ताव गरेको छ। कम्पनीको साधारणसभाले पारित गरेपछि उक्त लाभांश लगानीकर्तामा बितरण हुने छ । हाल कम्पनीको चुक्ता पुंजी १ अर्ब ९७ करोड ५५ लाख ८४ हजार ६ सय रहेको छ  ।

त्यस्तै सभामा  सञ्चालक समितिको वार्षिक प्रतिवेदन उपर छलफल गरी पारित गर्ने । लेखापरीक्षण प्रतिवेदन , वितीय विवरणहरू (वासलात, नाफा/नोक्सान हिसाब नगद-प्रवाह विवरण आदि) उपर छलफल गरी पारित गर्ने, आ.ब. २o७७/७८ को लेखापरीक्षण गर्नको लागि लेखापरीक्षकलाई नियुक्ति गर्ने र निजको पारिश्रमिक तोक्ने, संचालकको नियुक्ति अनुमोदन गर्ने लगायतका प्रस्ताव पेश हुने छ।

त्यस्तै बोनस वितरणपछि चुक्ता पुंजी बढ्ने भएकोले सोहि अनुसार प्रबन्धपत्र तथा नियमावली संशोधन गर्न स्वीकृति प्रदान गर्ने, प्रस्तावित संशोधनमा नियमनकारी निकायले परिमार्जन/फेरबदल गर्न सुझाव वा निर्देशन दिएमा सो अनुरुप आवश्यक समायोजन गर्न सञ्चालक समितिलाई अधिकार प्रदान गर्ने, विभिन्न अमिति तथा उपसमितिहौरलाई प्रदान गरिएको बैठक भत्ता अनुमोदन गर्ने लगायतका प्रस्ताव पेश हुने छ । 


Share Your Thoughts

Recent News

Main News

Close in 7


Bizpati.com © 2020. All Rights Reserved