नारायणी डेभलपमेन्ट बैंक लिमिटेडको हकप्रद सुरक्षित गर्ने आज मङ्सिर २३ गते अन्तिम दिन रहेको छ। बैंकले हकप्रद निष्काशनको लागि मङ्सिर २४ ग बुक क्लोज गर्ने निर्णय गरेकोले मङ्सिर २३ गतेसम्म कायम सेयरधनीहरुले मात्रै नारायणी डेभलपमेन्टको हकप्रद भर्न पाउने छन्।
बैंकले पुस ७ गतेदेखि हकप्रद निष्काशन गर्ने छ । बैंकले १:१ को अनुपातमा १ सय प्रतिशतले हुन आउने अनुमति १३ करोड १२ लाख ३३ हजार ८ सय रुपैयाँ बराबरको १३ लाख १२ हजार ३ सय ३८ कित्ता हकप्रद शेयर निष्काशन गर्न लागेको हो। हकप्रदमा पुस २७ गतेसम्म आवेदन दिन सकिने छ । हकप्रद निष्काशनको लागि ग्लोबल आईएमई क्यापिटल बिक्रि प्रबन्धक रहेको छ ।
बैंकले मङ्सिर ३ गते नेपाल धितोपत्र बोर्डबाट हकप्रद निष्काशनको लागि अनुमति पाएको थियो ।