पोखरा फाइनान्स Pokhara Finance Limited ले लाभांश घोषणा गरेको छ। कम्पनीको बिहिबार बसेको संचालक समितिको बैठकले आर्थिक वर्ष ७७/७८ को मुनाफाबाट लाभांश बितरण गर्ने प्रस्ताव गरेको हो ।
जस अनुसार कम्पनीले हाल कायम चुक्ता पुंजीको ८.०७५ प्रतिशत बोनस शेयर र कर प्रयोजनको लागि समेत गरि ०.४२५ प्रतिशत नगद लाभांश गरि कुल ८.५ प्रतिशत लाभांश वितरण गर्ने प्रस्ताव गरेको हो। कम्पनीले हाल कायम चुक्ता पुँजी रु ९६,३१,४५,७९०( अक्षरेपी छयानब्बे करोड एक्तीस लाख पैतालीस हजार सात सय नब्बे रुपैया) को ८.०७५ प्रतिशतका दरले हुने रकम रु ७,७७,७४,०२३ (सात करोड सतहत्तर लाख चौहत्तर हजार र तेइस रुपैया मात्र) बोनस सेयर र हाल कायम चुक्ता पुँजीको ०.४२५ प्रतिशतका दरले हुने रकम रु ४०,९३,३७० ( अक्षरेपी चालिस लाख त्रियानब्बे हजार तीन सय सत्तरी रुपैया मात्र) बराबरको रकम नगद लाभांश (कर प्रयोजनको लागि ) गरि कुल ८.५० प्रतिशत लाभांश वितरण गर्न प्रस्ताव गरेको हो ।
नेपाल राष्ट्र बैंकले स्वीकृति दिएपछि र कम्पनीको आगामी २५ औं वार्षिक साधारण सभाले पारित गरेपछि मात्र उक्त लाभांश लगानीकर्तामा बितरण हुने छ ।
