एनएमबि क्यापिटल NMB Capital को पहिलो खुलामुखी सामुहिक लगानी कोष योजनाको इकाईहरु आजबाट खरीद बिक्रि गर्न सकिने भएको छ । एनएमबि म्युचुअल फण्ड अन्तर्गत संचालन हुने एनएमबि सरल बचत फण्ड - इ (NMB Saral Bachat Fund - E) नामक खुलामुखी योजनाको इकाईहरु आज पुस ५ गते सोमबारबाट खरीद बिक्रि गर्न सकिने भएको हो ।
क्यापिटलका अनुसार हालको लागि क्यापिटलको कार्यालय नागपोखरीबाट इकाई खरीद बिक्रिको ब्यबस्था मिलाईएको छ।आइतबार देखि बिहीबारसम्म बिहान ११ बजे देखि दिउँसो ३ बजेसम्म इकाई खरीद बिक्रि हुने क्यापिटलले जनाएको छ । क्यापिटलका अनुसार शुक्रबार, शनिबार तथा सार्वजनिक बिदाका दिनमा यस योजनाका इकाईहरुको खरीद/बिक्री बन्द रहनेछ ।
यस खुलामुखी योजनाको एनएमबि बैंक लिमिटेड कोष प्रवर्द्धक तथा एनएमबि क्यापिटल लिमिटेड योजना व्यवस्थापक रहेका छन् । क्यापिटलले एनएमबि म्युचुअल फण्ड अन्तर्गत रहने गरि १ अर्ब आकारको एनएमबि सरल बचत फण्ड ई नामको खुलामुखी योजनाको इकाई निष्काशन गरेको हो ।
न्याभको आधारमा इकाई किनबेच हुने छ । खुलामुखी योजना भएकोले यसको कारोबार नेप्सेमा हुदैन ।
