नारायणी डेभलपमेन्ट बैंकको हकप्रद भर्ने म्याद थप भएको छ । बैंकले यस अघि आज पुस २७ गतेसम्म हकप्रद भर्न सकिने जनाएकोमा २ साता म्याद थप गरेको हो ।
अब बैंकको हकप्रदमा माघ १० गतेसम्म आवेदन दिन सकिने छ । कम्पनीले पुस ७ गतेदेखि हकप्रद बिक्रि गरेको हो । बैंकले १:१ को अनुपातमा १ सय प्रतिशतले हुन आउने अनुमति १३ करोड १२ लाख ३३ हजार ८ सय रुपैयाँ बराबरको १३ लाख १२ हजार ३ सय ३८ कित्ता हकप्रद शेयर निष्काशन गरेको हो।
बैंकले हकप्रद निष्काशनको लागि मङ्सिर २४ गतेसम्म बुक क्लोज गर्ने निर्णय गरेको थियो । मङ्सिर २३ गतेसम्म कायम सेयरधनीहरुले मात्रै नारायणी डेभलपमेन्टको हकप्रद भर्न पाउने छन्।
मेरोशेयर अनलाइन तथा सी आश्वा सदस्य बैंकतथा वित्तीय संस्थाबाट आवेदन दिन सकिने छ । हकप्रद निष्काशनको लागि ग्लोबल आईएमई क्यापिटल बिक्रि प्रबन्धक रहेको छ ।
बैंकले मङ्सिर ३ गते नेपाल धितोपत्र बोर्डबाट हकप्रद निष्काशनको लागि अनुमति पाएको थियो ।
