बाँडफाँड भएको १०० दिनपछि बल्ल बुद्धभूमिको शेयर नेप्सेमा सुचिकृत, कति तोकियो रेन्ज ?

बिजपाटी संवाददाता

बिजपाटी संवाददाता

Jan 16, 2022 | 06:40:40 PM मा प्रकाशित

laxmi bank citizenlife

शेयर बाँडफाँड भएको १०० दिनपछि बल्ल बुद्धभूमि नेपाल हाइड्रोपावर लिमिटेडको शेयर सुचिकृत भएको छ । नेपाल स्टक एक्सचेन्ज नेप्सेमा आज आइतबार कम्पनीको ४० लाख कित्ता शेयर सुचिकृत भएको हो । 

अब सोमबारदेखि कम्पनीको शेयर खरीद बिक्रि गर्न सकिने छ । सोमबारको स्पेसल प्रि ओपन सेसनमा कम्पनीको कारोबार भएमा त्यसपछिको नियमित सत्रमा कम्पनीको शेयर खरीद बिक्रि गर्न सकिने छ। नेप्सेले कम्पनीको पहिलो कारोबारको लागि ८४.०५ रुपैयाँ देखि २५२ .१५ रुपैयाँसम्मको सुरुवती रेन्ज तोकेको छ । यस रेन्जबीचको जुनसुकै मूल्यबाट कम्पनीको पहिलो कारोबार हुन सक्ने छ । नेप्सेले पहिलो कारोबारको लागि कम्पनीको नेटवर्थको ३ गुणासम्मको सुरुवाती मूल्य तोक्ने गरेको छ । कम्पनी शेयर BNHC सिम्बलबाट कारोबार हुने छ ।  कम्पनीको शेयर रजिष्ट्रार  सिद्धार्थ क्यापिटल रहेको छ  ।

कम्पनीले असोज २२ गते शेयर बाँडफाँड गरेको थियो । शेयर बाँडफाँड गरेको आज ठ्याक्कै १०० दिन पुरा भएको छ । बुद्दभूमिभन्दा पछि आईपिओ निष्काशन भएका कम्पनीको शेयर सुचिकृत भई कारोबार सुरु भईसक्दा समेत बुद्धभूमिको शेयर सुचिकृत भएको थिएँन् । 

बुद्धबुद्धभूमिले असोज ११ गते देखि सर्वसाधरणका लागि साधारण सेयर  बिक्रि खुला गरेको थियो । कम्पनीले प्रतिकित्ता १०० रुपैयाँका दरले ८ करोड रुपैयाँ बराबरको ८ लाख कित्ता आइपीओ सर्वसाधारणको लागि निष्काशन गरेको थियो । ८ लाख कित्ता मध्ये २ प्रतिशत अर्थात १६ हजार कित्ता संस्थाका कर्मचारीहरुका लागि र ५ प्रतिशत अर्थात ४० हजार कित्ता शेयर सामूहिक लगानी कोषका लागि छुट्याइएको थियो। बाँकी ७ लाख ४४ हजार कित्ता शेयरका लागि सर्वसाधारणले आवेदन दिएका थिए । 

आईपिओमा कुल २० लाख ३० हजार ९ सय ५५ जनाको आवेदन परेकोमा १६ हजार ३३ जनाको आवेदन रद्द भएको र कुल २० लाख १४ हजार ९ सय २२ जनाको आवेदन मात्र योग्य भएका थिए। योग्य आवेदकलाई गोलाप्रथामा समावेश गराएर शेयर बाँडफाँड गरिएको हो । जस अनुसार गोलाप्रथाबाट ७४ हजार ४ सय जनाले १० कित्ताका दरले शेयर पाएका छन् । यस हिसाबमा आवेदन दिएका मध्ये १९ लाख ५६ हजार ५ सय ५५ जना हात खाली भएका छन् । 


 कम्पनी परिचय : 

बुद्धभूमी नेपाल हाइड्रोपावर कम्पनी लिमिटेड प्रचलित कानून बमोजिम २०७४ साल श्रावण ३१ गते कम्पनी रजिष्ट्रारको कार्यालयमा प्राइभेट लिमिटेड कम्पनीको रुपमा दर्ता भै मिति २०७४ साल श्रावण ३१ गते देखि पब्लीक लिमिटेड कम्पनीमा परिणत भै कम्पनी ऐन २०६३ र विद्युत ऐन २०४९ अन्तर्गत काम÷कारोबार गर्दै आइरहेको छ । 

कम्पनीले तल्लो ताँदी खोला जलविद्युत आयोजना निर्माण गरिरहेको छ । आयोजनाको विद्युत गृह स्थल नुवाकोट जिल्लाको सदरमुकाम बिदुर बाट २६ कि.मी. को पुर्वमा तथा खरानीटार बजार बाट ५ किलो मिटरको दुरीमा अवस्थित रहेको छ । आयोजनाको मुख्य संरचनामा हेडवर्क्स दुप्चेश्रर गाउं पालिका को वडा नं ५ र ६ मा तथा आयोजनाको पावर हावर पंचकन्या गाउंपालिका वडा नं ०४ नौटारीमा पर्दछ। आयोजनाको जडित क्षमता ४.९९३ मे.वा रहेको छ  । समग्रमा आयोजनाको कार्य प्रगति ९५ प्रतिशत सम्पन्न भइसकेको कम्पनीले उल्लेख गरेको छ । 

Share Your Thoughts

Recent News

Main News

TRENDING

Close in 7


Bizpati.com © 2020. All Rights Reserved