सोमबार सेयर बजार परिसूचक नेप्सेमा दोहोरो अंकको सुधार आएको छ । आइतबार ४० अंकले घटेको नेप्से सोमबार १५.६९ अंकले बढेर २८ सय ५१.८६ अंकमा पुगेको छ ।
आज सेन्सेटिभ इन्डेक्स पनि ३.०५ अंकले बढेको छ । नेप्से र सेन्सेटिभ इन्डेक्स बढेपनि कारोबार रकम भने घटेको छ । आइतबार ५ अर्ब ८३ करोडको कारोबार भएकोमा सोमबार कारोबार रकम ५ अर्ब २ करोडमा सिमित भएको छ ।
आज कारोबारमा आएका २२४ कम्पनीका ९५ लाख १२ हजार ५८० कित्ता शेयर किनबेच भएका छन् ।
आज निफ्राको सेयर मूल्य ८.४२ प्रतिशतले बढेको छ । सबैभन्दा धेरै कारोबार पनि निफ्राकै भएको छ ।
नेशनल हाइड्रोपावर कम्पनी, अरुण भ्याली हाइड्रोपावर डेभलपमेन्ट कम्पनी, नेपाल दूरसञ्चार कम्पनी र नेपाल लाइफ इन्स्यारेन्सको कारोबार उच्च भएको छ ।
निफ्राबाहेक छ्याङ्दी हाईड्रो, सानिमा लाइफ इन्स्योरेन्स, नेशनल हाइड्रो पावर कम्पनी र बोटलर्स नेपालका लगानीकर्ताले सर्वाधिक कमाएका छन् ।
