विन नेपाल लघुवित्त वित्तीय संस्थाले लाभांश घोषणा गरेको छ । कम्पनीको आइतबार बसेको संचालक समितिको बैठकले आर्थिक वर्ष २०७७/०७८ सम्मको सञ्चित मुनाफा रकमवाट वितरण गर्ने लाभांश प्रस्ताव गरेको हो ।
जस अनुसार कम्पनीले २०७८ साल असार मसान्तमा कायम रहेको कुल चुक्ता पूँजी रु. ६,१५,००,०००।- (अक्षरेपी छ करोड पन्ध लाख) को ११ प्रतिशतले हुन आउने रकम रु. ६७,६५,०००।- बोनस शेयर र सो को कर प्रयोजनको लागि ०.५ प्रतिशतले हुन आउने रकम रु. ३३८,२५०/- नगद लाभांश वितरण गर्ने प्रस्ताव गरेको छ ।
उक्त प्रस्ताव नेपाल राष्ट्र बैंकको स्वीकृति तथा आगामी साधारण भावाट पारित भए पश्चात् लगानीकर्तामा वितरण हुनेछ ।
