प्राइम कमर्शियल बैंकले निष्काशन गरेको ऋणपत्रमा आवेदन दिने आज चैत्र ३० गते अन्तिम दिन रहेको छ । कम्पनीले चैत्र १६ गतेदेखि ऋणपत्र बिक्रि खुला गरेको हो ।
कम्पनीले १,००० अंकित दरको २५ लाख कित्ताले हुन आउने २ अर्ब ५० करोड बराबरको ऋणपत्र निष्काशन गरेको हो । जस मध्ये १५ लाख कित्ता निजि अर्थात् व्यक्तिगत तबरले बिक्रि गरिने छ भने १० लाख कित्ता सर्बसाधारणलाई बिक्रि गरिने बैंकले जानाएको छ । सर्वसाधारणलाई छुट्याईएको १० लाख कित्ता मध्ये ५० हजार कित्ता सामुहिक लगानी कोषको लागि बाँडफाँड गरिएको छ । ऋणपत्र निष्काशनको लागि आरबिबि मर्चेन्ट बैंकिंग बिक्रि प्रबन्धक रहेको छ ।
आवेदन दिंदा न्यनतम २५ कित्ता र अधिकतम ५ लाख कित्तासम्मको लागि आवेदन दिन सकिने छ । १० वर्षे अवधिको यस ऋणपत्रमा बैंकले १० प्रतिशत ब्याज प्रदान गर्ने छ ।
नेपाल धितोपत्र बोर्डले बैंकलाई फागुन २३ गते ऋणपत्र निष्काशनको लागि अनुमति दिएको हो। बैंकले पुस २१ गते बोर्डमा आवेदन दिएको थियो।