चालु आर्थिक वर्षको तेस्रो त्रैमासमा सेन्चुरी बैंकको खुद नाफा १८३.५९ प्रतिशतले बढेको छ । अघिल्लो आर्थिक वर्षको सोहि अवधिमा बैंकले ३५ करोड ८१ लाख खुद नाफा कमाएकोमा चालु आर्थिक वर्षको तेस्रो त्रैमाससम्ममा बैंकको खुद नाफा बढेर १ अर्ब १ लाख कायम भएको छ ।
यस अवधिमा बैंकको खुद ब्याज आम्दानी ११.६६ प्रतिशतले बढेर २ अर्ब १४ करोड पुगेको छ । बैंकको बितरणयोग्य मुनाफा भने ५१ करोड २२ लाख रहेको छ । कम्पनीले प्रोभिजन गरेको २७ करोड राइट ब्याक गर्न सफल भएपछि बैंकको नाफा ह्वात्तै बढेको हो ।
यस अवधिमा बैंकको निक्षेप ३.१८ प्रतिशतले बढेर ९० अर्ब ५२ करोड पुगेको छ भने भने कर्जा प्रवाह ११.४६ प्रतिशतले बढेर ८७ अर्ब २ करोड पुगेको छ। बैंकको खराब करह १.६० प्रतिशत रहेको छ ।
९ अर्ब ५५ करोड चुक्ता पुँजी रहेको बैंकको रिजर्भमा २ अर्ब ३० करोड रहेको छ ।