विद्युत नियमन आयोगले राधी विद्युत कम्पनी Radhi Bidyut Company लाई हकप्रद निष्काशनको लागि पूर्व स्वीकृति प्रदान गरेको छ । आयोगले आयोगले तोकेका शर्त पालना हुने गरि हकप्रद निष्काशनको लागि पूर्व स्वीकृति प्रदान गरेको हो ।
आयोगले कम्पनीलाई हाल कायम चुक्ता पुँजीको १:१.४७५२ को अनुपातमा अर्थात् १४७.५२ प्रतिशत हकप्रद शेयर निष्काशनको लागि पूर्व स्वीकृति प्रदान गरेको हो । अब नेपाल धितोपत्र बोर्डले अनुमति प्रदान गरेपछि कम्पनीले हकप्रद निष्काशन गर्ने छ।
कम्पनीले हकप्रद निष्काशनको लागि मुक्तिनाथ क्यापिटललाई बिक्रि प्रबन्धक नियुक्त गरिसकेको हो । कम्पनीले प्रति शेयर १०० का दरले ९५ लाख ३५ हजार ७ सय ६० दशमलव ९९ कित्ता हकप्रद शेयर निष्काशन गर्ने छ । कम्पनीले हालको आयोजनाको ऋण तिर्न र ४५ मेगावाटको नयाँ आयोजनामा लगानी गर्न हकप्रद निष्काशन गर्न लागेको हो ।