दुई वटा हाइड्रोपावर कम्पनीले हकप्रद निष्काशनको अनुमति माग गर्दै नेपाल धितोपत्र बोर्डमा आवेदन दिएका छन् । बरुण हाइड्रोपावर कम्पनी र ङादी ग्रुप पावर लिमिटेडले हकप्रद निष्काशनको लागि अनुमति माग गर्दै बोर्डमा आवेदन दिएका हुन् ।
बरुण हाइड्रोले जेठ ११ मा र ङादी ग्रुप पावरले जेठ ९ मा बोर्डमा आवेदन दिएको हो । बरुण हाइड्रोले हाल कायाम चुक्ता पुँजी २६ करोड ७९ लाख ७ हजार ५ सय रुपैयाँ बराबरको १:१ अनुपातमा अर्थात् शतप्रतिशतले हुन् आउने २६ लाख ७९ हजार ७५ कित्ता हकप्रद निष्काशनको लागि अनुमति माग गरेको हो । त्यस्तै ङादी ग्रुप पावर लिमिटेडले हाल कायम चुक्ता पुँजी ७० करोड ६९ लाख ३२ हजार ४ सय रुपैयाँको १:१.५ को अनुपातमा अर्थात् १५० प्रतिशत हकप्रदले हुन आउने १ करोड ६ लाख ३ हजार ९ सय ८६ कित्ता हकप्रद शेयर निष्काशनको लागि अनुमति माग गरेको हो ।
नेपाल धितोपत्र बोर्डले स्वीकृति दिएपछि दुवै कम्पनीलाई हकप्रद निष्काशनको लागि बाटो खुल्ने छ।
