प्राइम कमर्शियल बैंकले जेठ ३१ गतेदेखि ऋणपत्र निष्काशन गर्ने भएको छ । कम्पनीले १,००० अंकित दरको ५० लाख कित्ताले हुन आउने ५ अर्ब बराबरको ऋणपत्र निष्काशन गर्न लागेको हो ।
जस मध्ये ३० लाख कित्ता निजि अर्थात् व्यक्तिगत तबरले बिक्रि गरिने र २० लाख कित्ता सर्बसाधारणलाई बिक्रि गरिने बैंकले जानाएको छ। सर्बसाधारणलाई निष्काशन गरिने कित्ता मध्ये ५ प्रतिशत सामुहिक लगानी कोषहरुको लागि छुट्याउने गरिएकोमा यस ऋणपत्रमा सामुहिक लगानी कोषहरुले भने आवेदन दिएका छैनन्।
यस ऋणपत्रमा छिटोमा असार ३ गतेसम्म र सो अवधिसम्ममा पुरै आवेदन नपरेमा ढिलोमा असार १४ गतेसम्म आवेदन दिन सकिने छ । आवेदन दिंदा न्यूनतम २५ कित्ता र अधिकतम १० लाख कित्तासम्मको लागि आवेदन दिन सकिने छ । ५ वर्षे अवधिको यस ऋणपत्रमा बैंकले १०.१५ प्रतिशत ब्याज प्रदान गर्ने छ । ऋणपत्र निष्काशनको लागि सानिमा क्यापिटल बिक्रि प्रबन्धक रहेको छ ।
