अर्थमन्त्री जनार्दन शर्माले शेयर धितो कर्जामा लागु गरिएको ४/१२ को मार्जिनको यथोचित सम्बोधन गर्नु पर्ने बताएका छन् । नेपाल धितोपत्र बोर्डको वार्षिकोत्सव समारोहलाई सम्बोधन गर्दै अर्थमन्त्री जनार्दन शर्माले यस ब्यबस्थाको सम्बोधन गर्नु पर्ने बताएका हुन् ।
कार्यक्रममा उनले हाल समस्याको रुपमा देखिएको मौद्रिक नीतिको ब्यबस्थाको यथोचित सम्बोधन गरेर पुँजीबजारको विकासको सहजीकरण गर्नु पर्ने बताएका हुन् । उनले नियामक निकायहरुबीच उचित समन्वयको खाचो रहेकोले राष्ट्र बैंक, बीमा समिति, धितोपत्र बोर्ड लगायतका नियमनकारी संस्थाहरुलाई अन्तरसम्बन्ध कायम गर्न समन्वयात्मक भूमिका निर्वाह गर्न आग्रह गरेका छन् । उनले धितोपत्र बोर्ड स्वायत्त निकाय नै भएको र अर्थ मन्त्रालयले बोर्ड लगायतका सबै नियामक निकायबाट जवाफदेहीता सहितको स्वायत्तता खोजेको उनले बताए ।
उनले बजारमा पनि र बोर्डमा पनि अन्तराष्ट्रिय स्तरको उचित प्रविधिको खाँचो रहेको बताएका छन् । उनले पुँजीबजारमा स्वचालित कारोबार हुनु पर्ने र उक्त कारोबार प्रणाली सहज रुपमा कारोबार गर्न सकिने खालको र विश्वसनीय हुनु पर्न बताएका छन् ।
उनले बजारको सुधारको कहाँ के गर्नु पर्छ, अर्थ मन्त्रालयले सहजीकरण गरिदिने प्रतिवद्दता जनाएका छन् । उनले बजारमा नयाँ लगानीका औचार र उपकरण ल्याउन समेत आग्रह गरेक छन् ।
उनले बजारको आफ्नै क्यारेक्टर रहेको र घट्ने बढ्ने क्रम स्वभाविक भएकोले सचते हुन जजरुरी रहेको बताए । लगानीकर्तामा ग्यान र चेतनाको कमी भएकोले पनि समस्या देखिएकोले साक्षरता समबन्धमा काम गर्न उनले आग्रह गरेका छन् ।
उनले बजार सुधारको लागि प्रयास हरु भईरहेको र प्रयासहरुको परिणाम देखिन थालेको समेत बताए ।उनले अहिलेको नयाँ नेतृत्वले बजारको विकास र सुधारको लागि काम गरिरहेको र अर्थ मन्त्रालयले त्यसमा सहजीकरण गरिरहेको बताए ।
उनले पुँजीबजारको समस्या समाधान गर्न ४ सदस्यीय सुझाव समिति गठन गरेको पनि जानकारी दिए । आज बिहान नेपाल राष्ट्र बैंकका गभर्नर महाप्रसाद अधिकारी, धितोपत्र बोर्डका अध्यक्ष रमेश हमाल, र अर्थमन्त्रालयका सचिवहरुबीच छलफल गरेर पुँजीबजारको समस्या समाधान गर्न ४ सदस्यीय सुझाव समिति गठन गरेको जानकारी मन्त्री शर्माले दिएका हुन्। उक्त समितिले दिएको सुझावको आधारमा पुँजीबजारको विकासको लागि गर्नु पर्ने सुधारको कामहरु गरिने मन्त्री शर्माले बताए ।
उनले समितिले दिएको सुझावको आधारमा बजारको सुधारको लागि कसले के गर्ने भन्ने स्पष्ट पारिने बताएका छन् । समितिमा को को छन् भन्नेबारे उनले खुलाएनन् ।