बुधबार पनि शेयरबजार परिसूचक नेप्से दोहोरो अंकले घटेको छ । आज नेप्से सूचक २९.८९ अंकले घटेर १९६६.३७ अंकको बिन्दुमा पुगेर रोकिएको छ ।
आज कारोबारमा आएका २२९ कम्पनीका शेयर खरिद बिक्रिबाट १ अर्ब ४९ करोड १७ लाख ५८ हजार ८ सय १७ रुपैयाँको कारोबार भएको छ । आज नेपाल टेलिकमको सबैभन्दा धेरै १२ करोड ५७ रुपैयाँको कारोबार भएको छ भने हिमालयन डिस्टिलरीको ५ करोड २८ लाख, बैंक अफ काठमाडौँको ५ करोड १६ लाख तथा एनआईसी एसिया बैंकको ४ करोड ४१ लाख बराबरको कारोबार भएको छ ।
आज सीवाईसी नेपाल लघुवित्त र आंधीखोला लघुवित्तको शेयर मूल्यमा सकारात्मक सर्किट लागेको छ । आज बलेफी हाइड्रोको शेयर मूल्य सर्वाधिक ८.७६ प्रतिशतले घटेको छ भने लाइफ इन्स्योरेन्स कर्पोरेशन नेपालको शेयर मूल्य ८.२६ प्रतिशतले तथा माउन्टेन हैद्रोको शेयर मूल्य ५.८९ प्रतिशतले घटेको छ ।
आज कारोबारमा आएका सबै समुहगत सूचक घटेका छन् । जस मध्ये लगानी समुह सर्बाधिक २.४२ प्रतिशतले तथा हाइड्रो समुह २.३२ प्रतिशतले घटको छ ।
