नेपाल बैंकले ऋणपत्र निष्काशनको लागि नबिल इन्भेष्टमेन्टलाई बिक्रि प्रबन्धक चयन गरेको छ । उक्त सम्झौता पत्रमा नेपाल बैंक लिमिटेडको तर्फबाट प्रमुख कार्यकारी अधिकृत कृष्ण बहादुर अधिकारी र नबिल इन्भेष्टमेन्ट बैंकिंग लिमिटेडको तर्फबाट प्रमुख कार्यकारी अधिकृत मनिष नारायण जोशीले हस्ताक्षर गरेका छन् ।
प्रस्तावित ऋणपत्र नियमनकारी निकायहरुकोे स्विकृति पश्चात निश्कासन हुने । बैंकले १,००० अंकित दरको २५ लाख कित्ताले हुन आउने २ अर्ब पचास करोड रकम बराबरको “१०.५०% नेपाल बैंक ऋणपत्र २०८४” जारी गर्न लागेको हो । उक्त ऋणपत्रको अवधि ५ वर्ष रहेको र ब्याजदर १०.५०% प्रतिशत रहेको छ ।