नेपाल स्टक एक्सचेन्ज नेप्सेमा ङादी ग्रुप पावर लिमिटेडको शेयर मूल्य समायोजन भएको छ । कम्पनीको १५० प्रतिशत हकप्रदमा मूल्य समायोजन भएको हो ।
समायोजनपछि कम्पनीको प्रति कित्ता शेयर मूल्य २६३ रुपैयाँ ६० पैसा कायम भएको छ । समायोजनअघि कम्पनीको शेयर मूल्य ५०९ रुपैयाँ थियो । कम्पनीले हकप्रद निष्काशनको लागि आज असार २० गते बुक क्लोज गर्ने निर्णय गरेकोले आज मूल्य समायोजन भएको हो । असार १९ गतेसम्म कायम शेयरधनीले मात्र हकप्रद भर्न सक्ने छन् ।
कम्पनीले हाल कायम चुक्ता पुँजी ७० करोड ६९ लाख ३२ हजार ४ सय रुपैयाँको १:१.५ को अनुपातमा अर्थात् १५० प्रतिशत हकप्रदले हुन आउने १ करोड ६ लाख ३ हजार ९ सय ८६ कित्ता हकप्रद शेयर निष्काशन गर्न लागेको हो ।
नेपाल धितोपत्र बोर्डले असार ९ गते कम्पनीलाई हकप्रद निष्काशनको लागि अनुमति दिएको हो । कम्पनीले जेठ ९ मा बोर्डमा हकप्रद स्वीकृतिको लागि आवेदन दिएको थियो ।
नेपाल धितोपत्र बोर्डले स्वीकृति दिएसंगै कम्पनीलाई हकप्रद निष्काशनको लागि बाटो खुलेको छ।
