आज असार ३१ गते शुक्रबार आर्थिक वर्ष ७८/७९ को अन्तिम शेयर कारोबार हुदै छ । आज शुक्रबार भएकोले २ घण्टामात्र शेयर कारोबार हुने छ । नेपाल स्टक एक्सचेन्ज नेप्सेले शुक्रबारको दिनमा ११ बजेदेखि १ बजेसम्म कारोबार संचालन गर्ने गरेको छ।
यस आर्थिक वर्षमा हालसम्म नेप्से सूचक ८८१.८५ अंकले घटिसकेको छ । आर्थिक वर्ष ७७/७८ को अन्तिम दिन नेप्से सूचक २८८३.३८ को बिन्दुमा रहेकोमा आज शुक्रबारको कारोबार अगाडी नेप्से सूचक २००१.५३ को बिन्दुमा रहेको छ ।
त्यस्तै यस अवधिमा शेयर बजार पुँजीकरण ११ खर्ब ५२ अर्बले घटेको छ । आर्थिक वर्ष ७७/७८ को अन्तिम दिन शेयरबजार पुँजीकरण ४० खर्ब १० अर्ब रहेकोमा आज शुक्रबारको कारोबार अगाडी शेयरबजार पुँजीकरण २८ खर्ब ५८ अर्ब रहेको छ ।
