नेपाल स्टक एक्सचेन्ज नेप्सेमा आज आइतबार २ कम्पनीको शेयर सुचिकृत भएको छ । आज नेपाल फाइनान्सको हकप्रद शेयर र गरिमा विकास बैंकको बोनस शेयर सुचिकृत भएको हो ।
आज नेपाल फाइनान्सको ७० प्रतिशतले हुन आउने २३ लाख १९ हजार ७ सय ५८ दशमलव ८८ कित्ता हकप्रद शेयर सुचिकृत भएको हो। त्यस्तै आज गरिमा विकास बैंकको १६ प्रतिशतले हुन आउने ६३ लाख १७ हजार ९२ दशमलव ९६८१ कित्ता बोनस शेयर सुचिकृत भएको हो ।
शेयर सुचिकृत भएसंगै आफ्नो डिम्याट खातामा आएपछि लगानीकर्ताले यी शेयर खरिद बिक्रि गर्न सक्ने छन् ।
५४ अंकले बढ्यो नेप्से सूचक, बीमा समुहमा लगानीकर्ताको आकर्षण
साताको पहिलो दिन आज आइतबार शेयर बजार परिसूचक नेप्से दोहोरो अंकले घटेको छ । ज नेप्से सूचक ५४.५८ अंकले बढेर २१९५.१० को बिन्दुमा पुगेर रोकिएको छ ।
आज कारोबारमा आएका २२० कम्पनीका १ करोड १३ लाख ३९ हजार ४ सय ७६ कित्ता शेयर खरिद बिक्रिबाट ४ अर्ब ६० करोड ९७ लाख ९१ हजार २ सय ७२ रुपैयाँको कारोबार भएको छ। जस मध्ये शिवम सिमेन्टको सबैभन्दा धेरै २१ करोड ३४ लाख बराबरको कारोबार भएको छ भने नेपाल टेलिकमको नेपाल टेलिकमको १५ करोड २३ लाख, एशियन लाइफ इन्स्योरेन्सको ११ करोड ५४ लाख तथा हिमालयन डिस्टिलरीको १० करोड ३७ लाखको कारोबार भएको छ ।
आज कारोबारमा आएका फाइनान्स बाहेकका सबै समुहगत सूचक बढेका छन् । जस मध्ये लगानी समुह सबैभन्दा धेरै ४.७६ प्रतिशत, निर्जीवन बीमा समुह ४.५१, जीवन बीमा समुह ४.१६ , त्तहा ट्रेडिङ समुह ३.६२ प्रतिशतले बढेको छ । आज बैंकिंग समुह २.९२ प्रतिशतले बढेको छ ।
आज नेपाल इन्स्योरेन्स, नेको इन्स्योरेन्स, आईएमई जनरल इन्स्योरेन्स, प्रुडेन्शियल इन्स्योरेन्स, र एनएलजी इन्स्योरेन्सको शेयर मूल्य १० प्रतिशतले बढेको छ ।
आज गुडविल फाइनान्सको ऋणपत्रको शेयर मूल्य सर्वाधिक ३.९४ प्रतिशतले बढेको छ भने नेशनल हाइड्रोको शेयर मूल्य ३.३० प्रतिशत तथा मल्टीपर्पोज फाइनान्सको शेयर मूल्य ३.१२ प्रतिशतले घटेको छ ।