आर्थिक वर्ष ७८/७९ मा कुमारी बैंकको खुद नाफा ४३.८७ प्रतिशतले बढेको छ । आर्थिक वर्ष ७७/७८ मा बैंकले १ अर्ब ९७ करोड खुद नाफा कमाएकोमा आर्थिक वर्ष ७८/७९ मा बैंकको खुद नाफा बढेर २ अर्ब ८३ करोड पुगेको छ ।
बैंकले सार्वजनिक गरेको चौथो त्रैमासमा वित्तीय विवरण अनुसार यस अवधिमा बैंकको वितरणयोग्य मुनाफा १ अर्ब ७७ करोड रहेको छ । बैंकको खुद ब्याज आम्दानी २५.६७ प्रतिशतले बढेर ५ अर्ब ७ करोड पुगेको छ ।
यस अवधिमा बैंकको निक्षेप २१.२१ प्रतिशतले बढेर १ खर्ब ७६ अर्ब पुगेको छ भने कर्जा प्रवाह ११.२२ प्रतिशतले बढेर १ खर्ब ५६ अर्ब पुगेको छ ।
१४ अर्ब ७१ करोड चुक्ता पुंजी रहेको बैंकको रिजर्भमा ६ अर्ब ४७ करोड रहेको छ । यस अवधिमा बैंकको प्रति शेयर आम्दानी १९ रुपैयाँ २७ पैसा रहेको छ भने प्रति शेयर नेटवर्थ १४४ रुपैयाँ १ पैसा रहेको छ ।