आर्थिक वर्ष ७८/७९ मा सिद्धार्थ बैंकको खुद नाफा १२.७८ प्रतिशतले बढेको छ। आर्थिक वर्ष ७७/७८ मा बैंकको खुद नाफा २ अर्ब ८५ करोड रहेकोमा आर्थिक वर्ष ७८/७९ मा बैंकको खुद नाफा बढेर ३ अर्ब २१ करोड पुगेको हो ।
यस अवधिमा बैंकजको वितरणयोग्य मुनाफा २ अर्ब १० करोड रहेको छ । समिक्षा अवधिमा बैंकको खुद ब्याज आम्दानी २७.७३ प्रतिशतले बढेर ७ अर्ब ३ करोड पुगेको छ ।
यस अवधिमा बैंकको निक्षेप ५.८७ प्रतिशतले बढेर १ खर्ब ९१ अर्ब पुगेको छ भने कर्जा प्रवाह १२.७२ पप्रतिशतले बढेर १ खर्ब ७८ अर्ब पुगेको छ । बैंकको खराब कर्जा भने १ प्रतिशतबाट सामान्य बढेर १.०३ प्रतिशत पुगेको छ ।
१२ अर्ब ५२ करोड चुक्ता पुंजी रहेको बैंकको रिजर्भमा ९ अर्ब ३९ करोड रहेको छ । यस अवधिमा बैंकको प्रति शेयर आम्दानी २५ रुपैयाँ ७१ पैसा रहेको छ भने प्रति शेयर नेटवर्थ १७४ रुपैयाँ ९८ पैसा रहेको छ ।
