नागरिक लगानी कोषको साधारणसभा सम्पन्न भएको छ । कम्पनीले सोमबार नयाँ बानेश्वर स्थित आफ्नै केन्द्रिय कार्यालयमा आर्थिक बर्ष २०७७-०७८ साधारणसभा गरेको हो ।
सभाले लाभांश सहितका विविध प्रस्ताव पारित गरेको छ । साधारणसभाले आर्थिक बर्ष २०७७-०७८ मा ३० प्रतिशत बोनस सेयर र कर प्रयोजनका लागि १.५७८९ प्रतिशत नगद लाभांश वितरण गर्ने प्रस्ताव पारित गरेको हो। लाभांश वितरण पश्चात कोषको चुक्तापूंजी ४ अर्ब २५ करोड पुग्नेछ। हाल कोषको चुक्तापूंजी ३ अर्ब २७ करोड रहेको छ।
त्यस्तै सभाले संचालक समितिको तर्फबाट अध्यक्षले पेश गरेको कोषको आर्थिक बर्ष २०७७/७८ को वार्षिक प्रतिवेदन पारित गरेको छ भने लेखापरीक्षकको प्रतिवेदन सहितको २०७८ साल असार मसान्तको वासलात, नाफा/नोक्सान हिसाब र नगद प्रवाह विवरण पारित गरेको छ।
सभाले सर्वसाधारण शेयरधनीको तर्फबाट अशोक बुढाथोकीलाई निर्विरोध संचालक पदमा निर्वाचित गरेको छ।
यो पनि : यस्ता छन् नागरिक लगानी कोषका ७ बुँदे भावी योजना तथा कार्यक्रम