सूर्या लाइफ इन्स्योरेन्सले लाभांश बितरण नगर्ने भएको छ । कम्पनीको आइतबार बसेको संचालक समितिको बैठकले कम्पनीको वित्तिय विवरण अनुसार आ.व. २०७७/०७८ मा वितरण योग्य मुनाफा रहेको भएता पनि सो मुनाफाबाट लाभांश वितरण नगरी हाल जगेडा कोषमा राख्ने निर्णय गरेको हो।
सूर्या लाइफ इन्स्योरेन्स कम्पनी लिमिटेड र ज्योति लाइफ इन्स्योरेन्स कम्पनी लिमिटेड बीच एक आपसमा गाभ्ने गाभिने सम्बन्धी प्रारम्भिक सम्झौता भई मर्जर प्रक्रिया अगाडी बढीरहेको हुँदा लाभांश बितरण नगंरे निर्णय गरेको कम्पनीले जनाएको छ ।
कम्पनीले नेप्सेलाई पठाएको पत्रमा भनिएको छ 'यस कम्पनीको मिति २०७९।०६।०९ गते अपरान्ह ३:३० देखि ४:३० सम्म बसेको संचालक समितिको ३२५ औ बैठकबाट, सूर्या लाइफ इन्स्योरेन्स कम्पनी लिमिटेड र ज्योति लाइफ इन्स्योरेन्स कम्पनी लिमिटेड बीच एक आपसमा गाभ्ने गाभिने सम्बन्धी प्रारम्भिक सम्झौता पत्र (MOU) भई मर्जर प्रक्रिया अगाडी बढीरहेको हुँदा कम्पनीको वित्तिय विवरण अनुसार आ.व. २०७७/०७८ मा वितरण योग्य मुनाफा रहेको भएता पनि सो मुनाफाबाट शेयरधनी महानुभावहरुलाई लाभांश वितरण नगरी हाल जगेडा कोषमा राख्ने निर्णय भएको ब्यहोरा जानकारीको लागि हार्दिक अनुरोध गर्दछौ ।'
