ङादी ग्रुप पावर लिमिटेडले लिलामीमा ल्याएको शेयरको कटअफ मूल्य तय भएको छ । बिक्रि प्रबन्धक सिद्धार्थ क्यापिटलका अनुसार सर्वसाधारण समुहतर्फको शेयरको कटअफ मूल्य १६१ रुपैयाँ कायम भएको छ ।
अर्थात् लिलामीको शेयरमा १६१ वा सो भन्दा बढी रकम कबुल गरेर आवेदन दिनेले कम्पनीको शेयर पाउने छन् । कम्पनीले असोज २ गतेदेखि असोज १३ गतेसम्म हकप्रदमा अवितरित सर्वसाधारण समुहतर्फको १२ लाख ५७ हजार २ सय ९० कित्ता शेयर लिलाम गरेको थियो । आवेदन दिंदा न्युनतम १०० कित्ता र अधिकतम पुरै कित्ताको लागि आवेदन दिन सकिने ब्यबस्था थियो ।
कम्पनीले साउन १८ गतेदेखि भदौ ७ गतेसम्म हकप्रद बिक्रि खुला गरेको थियो। कम्पनीले हाल कायम चुक्ता पुँजी ७० करोड ६९ लाख ३२ हजार ४ सय रुपैयाँको १:१.५ को अनुपातमा अर्थात् १५० प्रतिशत हकप्रदले हुन आउने १ करोड ६ लाख ३ हजार ९ सय ८६ कित्ता हकप्रद शेयर निष्काशन गरेको हो ।